Virat Kohli bowling: ఆ టైమ్‌లో కోహ్లీ ఎందుకు బౌలింగ్ చేశాడో అంతు చిక్క‌లేదు: అల్బీ మోర్కెల్‌ – south africa all rounder albie morkel says he has no idea why they bowled virat kohli in an ipl match


సౌతాఫ్రికా ఆల్‌రౌండ‌ర్ అల్బీ మోర్కెల్ గ‌తంలో ఐపీఎల్లో జ‌రిగిన ఒక లీగ్ మ్యాచ్ గురించి తాజాగా వ్యాఖ్యానించాడు. 2012లో చెన్నై సూప‌ర్ కింగ్స్ త‌ర‌పున ఆడిన మోర్కెల్‌.. రాయ‌ల్ చాలెంజ‌ర్స్ బెంగ‌ళూరుతో జ‌రిగిన మ్యాచ్‌లో ‘హీరో’చిత ఇన్నింగ్స్‌తో ఆక‌ట్టుకున్నాడు. ఈ మ్యాచ్ 7 బంతుల్లోనే 28 ప‌రుగులు చేసిన అల్బీ.. చెన్నై అద్భుత విజ‌యం సాధించ‌డంలో కీల‌క‌పాత్ర పోషించాడు. ముఖ్యంగా ప్ర‌స్తుత భార‌త కెప్టెన్ విరాట్ కోహ్లీ వేసిన 19 ఓవ‌ర్లో 28 ప‌రుగులతో సూప‌ర్బ్ ఇన్నింగ్స్ ఆడాడు. ‌


చెన్నైలో జ‌రిగిన ఈ మ్యాచ్‌లో తొలుత బ్యాటింగ్ చేసిన బెంగళూరు 205 ప‌రుగులు చేసింది. అనంత‌రం ఓ చేధ‌న‌లో కీల‌క వికెట్లు కోల్పోయిన చెన్నై పీక‌ల్లోతు క‌ష్టాల్లో పడింది. చివ‌రి రెండు ఓవ‌ర్ల‌లో 43 ప‌రుగులు చేయాల్సిన ద‌శ‌లో ఆర్సీబీ అనూహ్య ‌మార్పు చేసింది. అప్ప‌టి ఆర్సీబీ కెప్టెన్ డేనియ‌ల్ వెటోరీ.. బంతిని కోహ్లీకి అందించాడు. అయితే ఈ ఓవ‌ర్లో రెచ్చిపోయిన అల్బీ మూడు సిక్స‌ర్లు, రెండు ఫోర్ల‌తో మొత్తం 28 ప‌రుగులు పిండుకున్నాడు. దీంతో చెన్నై మ్యాచ్‌లోకి వ‌చ్చింది. అయితే ఈ మ్యాచ్‌లో కోహ్లీతో ఆర్సీబీ ఎందుకు బౌలింగ్ చేయించిందో అర్ధం కాలేదని చెప్పుకొచ్చాడు.


నిజానికి తాను బ్యాటింగ్‌కు వ‌చ్చే స‌మ‌యానికి కేవ‌లం రెండు ఓవ‌ర్లు మాత్ర‌మే ఉన్నాయ‌ని, ఈ ద‌శ‌లో 43 ప‌రుగులు సాధిస్తామ‌ని భావించాలేద‌ని అల్బీ పేర్కొన్నాడు. రెండు భారీ షాట్లు ప‌డితే విజ‌యం గురించి ఆలోచించ‌వ‌చ్చ‌ని బ్యాటింగ్‌కు దిగాన‌ని తెలిపాడు. ఈ స్థితిలో కోహ్లీ బౌలింగ్ చేయ‌డంతో త‌న ప‌ని సులువైంద‌ని తెలిపాడు. అల్బీ ఔటైన త‌ర్వాత డ్వేన్ బ్రావో.. చెన్నైని విజ‌యతీరాల‌కు చేర్చాడు .దీంతో 208/5తో చెన్నై..అద్భుత విజ‌యాన్ని అందుకుంది.



Source link

Leave a Reply

Your email address will not be published. Required fields are marked *