Virat Kohli comments: టికెట్ లేకుండా ప్రయాణించి, కండక్టర్‌కు దొరికిపోయిన కోహ్లీ – indian captain virat kohli shares an incident when he was caught travelling without ticket in delhi


క‌రోనా వైర‌స్ కార‌ణంగా క్రికెట్ కార్య‌క‌లాపాలు వాయిదా ప‌డ‌టంతో చాలామంది ప్లేయ‌ర్లు ఇంటిప‌ట్టునే ఉంటున్న సంగ‌తి తెలిసిందే. కొంత‌మంది క్రికెట‌ర్లు సోష‌ల్ మీడియా సంద‌డి చేస్తూ.. అభిమానుల‌తో ట‌చ్‌లో ఉంటున్నారు. తాజాగా స్టార్ ఫుట్‌బాల‌ర్ సునీల్ చెత్రీతో భార‌త కెప్టెన్ విరాట్ కోహ్లీ వివిధ అంశాల‌పై చ‌ర్చించాడు. ఈ సంద‌ర్భంగా ఎప్పుడైనా టికెట్ లేకుండా బ‌స్సులో ప్ర‌యాణించావా అని కోహ్లీని చెత్రీ తుంట‌రి ప్ర‌శ్న అడిగాడు. దానికి కోహ్లీ అదిరిపోయే స‌మాధాన‌మిచ్చాడు.


కెర‌రా్ తొలినాళ్ల‌లో తాను బ‌స్సులో ప్ర‌యాణం చేసిన‌ప్పుడు టికెట్ లేకుండా ప్ర‌యాణం చేసి కండ‌క్ట‌ర్‌కు దొరికిపోయానని చెప్పాడు. అప్ప‌ట్లో బ‌స్సులో టికెట్ తీసుకోనివారంతా పాస్ అనో, స్టాఫ్ మెంబ‌ర్ అనో చెబుతుండేవార‌ని పేర్కొన్నాడు. చాలామంది ఇలా ఉచిత ప్ర‌యాణ చేసేవారని గుర్తు చేసుకున్నాడు. అయితే త‌న‌ను చూసి ఎవ‌రూ మాత్రం స్టాఫ్ మెంబ‌ర్‌గా భావించేవారు కాదని అభిప్రాయ‌ప‌డ్డాడు.


స్టాఫ్ మెంబ‌ర్‌గా క‌న్పించాలంటే దానికి త‌గిన ప‌ర్స‌నాలిటీ ఉండాల‌ని, తాను అలా క‌న్పించేవాడిని కాద‌ని కోహ్లీ పేర్కొన్నాడు. ఒక‌సారి బ‌స్సులో ప్ర‌యాణం చేస్తుంటూ స్టాఫ్ అని చెప్పాన‌ని, అయితే పాస్‌ను చూపించాల‌ని కండ‌క్ట‌ర్ కోరాడ‌ని తెలిపాడు. వెంట‌నే తాను బ‌స్సు నుంచి దిగిపోయాన‌ని కోహ్లీ పేర్కొన్నాడు. రాపిడ్ ఫైర్ త‌ర‌హాలో జ‌రిగిన ఈ సంభాష‌ణ‌లో కోహ్లీ-చెత్రీ చాలా ఆస‌క్తిక‌ర విష‌యాలపై మాట్లాడుకున్నారు.



Source link

Leave a Reply

Your email address will not be published. Required fields are marked *