virat kohli fitness: కోహ్లీ, జ‌డేజా ఫిట్‌నెస్‌ను కొనియాడిన జాంటీ రోడ్స్ – south africa former player jonty rhodes praises virat kohli, says he is the fittest cricketer currently


భారత కెప్టెన్ విరాట్ కోహ్లీపై సౌతాఫ్రికా మాజీ ప్లేయర్ జాంటీ రోడ్స్ ప్రశంసలు కురిపించాడు. సమకాలీన క్రికెట్లో అతనే అత్యంత ఫిట్ అయిన ప్లేయర్ అని కొనియాడాడు. తాజాగా భారత వెటరన్ క్రికెటర్ సురేశ్ రైనాతో సోషల్ మీడియాలో రోడ్స్ మాట్లాడాడు. క్రికెట్‌లోని ఫిట్‌నెస్ విలువ తెలుసు కాబ‌ట్టే గ‌తంలో చ‌బ్బీగా ఉండే కోహ్లీ.. అత్యంత ఫిట్‌గా మారాడ‌ని వ్యాఖ్యానించాడు. వ్యాయ‌మ‌మే కాకుండా డైట్ కూడా ఫిట్‌నెస్ విష‌యంలో కీల‌క‌పాత్ర పోషిస్తుంద‌ని అభిప్రాయ‌ప‌డ్డాడు.


మ‌రోవైపు భార‌త మెరుపు ఫీల్డ‌ర్ ర‌వీంద్ర జ‌డేజాను ఆస్ట్రేలియా మాజీ ప్లేయ‌ర్ మైకేల్ బెవాన్‌తో రోడ్స్ పోల్చాడు. ఫీల్డింగ్ చేసేట‌ప్పుడు అత్యంత వేగంగా బంతిని జ‌డ్డూ చేరుకుంటాడ‌ని, ఈక్ర‌మంలో అత‌నికి డైవ్ చేయాల్సిన అవ‌స‌రం ఉండ‌బోద‌ని వ్యాఖ్యానించాడు. గ‌తంలో వికెట్ల మ‌ధ్య చురుగ్గా పరుగెత్తిన బెవాన్‌ను జ‌డేజా ఎప్ప‌టికీ గుర్తు చేస్తుంటాడ‌ని వ్యాఖ్యానించాడు. మ‌రోవైపు ఇటీవ‌ల క్రికెట్‌లో ఫీల్డింగ్ ప్రాధాన్యం చాలా పెరిగింద‌ని తెలిపాడు.


బ్యాటింగ్‌, ఫీల్డింగ్‌లతోపాటు ఫీల్డింగ్‌పైనా అన్ని జ‌ట్టు దృష్టి కేంద్రీక‌రిస్తున్నాయ‌ని రోడ్స్ తెలిపాడు. ఫీల్డింగ్ ద్వారా కూడా ప్లేయ‌ర్లు గుర్తింపు పొందుతున్నార‌ని పేర్కొన్నాడు. మ‌రోవైపు ఇండియాతో త‌న‌కెంతో అనుబంధ‌ముంద‌ని తెలిపాడు. ఐపీఎల్ కార‌ణంగా ఇండియాలో చాలా కాలం గ‌డిపే అవ‌కాశం ల‌భించింద‌ని పేర్కొన్నాడు. ఈక్ర‌మంలో ఆ మ‌క్కువ‌తోనే త‌న కుమార్తెకు ఇండియా అని పేరు పెట్టిన‌ట్లు తెలిపాడు. నిజానికి ప్రపంచ‌వ్యాప్తంగా ఫీల్డింగ్‌కు గుర్తింపు తీసుకొచ్చిన తొలి క్రికెట‌ర్ రోడ్స్. అత‌ని వ‌ల‌నే చాలా జ‌ట్లు ఫీల్డింగ్ ప్రాధాన్యాన్ని గుర్తించి, అందుకు త‌గిన ప్ర‌ణాళిక‌లు రూపొందించుకున్నాయి.



Source link

Leave a Reply

Your email address will not be published. Required fields are marked *