virat kohli record : ఐపీఎల్లోనూ టాపర్ విరాట్ కోహ్లీనే – indian captain virat kohli tops ipl’s highest run getters list


2013 నుంచి రాయ‌ల్ చాలెంజ‌ర్స్ బెంగ‌ళూరు కెప్టెన్‌గా విరాట్ కోహ్లీ వ్య‌వ‌హ‌రిస్తున్నాడు. ఐపీఎల్ టోర్నీ స్టార్ట్ అయిపోయిన‌ప్ప‌టి నుంచి కోహ్లీ ఆర్సీబీ త‌ర‌పునే ఆడుతున్నాడు.

Subani Shaik |
Samayam Telugu | Updated:

Virat Kohli

2008లో ప్రారంభ‌మైన ఇండియ‌న్ ప్రీమియ‌ర్ లీగ్ (ఐపీఎల్‌) ఇప్ప‌టివ‌ర‌కు 12 సీజ‌న్ల‌ను పూర్తి చేసుకుంది. ఇక 13వ ఎడిష‌న్ ఈనెల 29 నుంచి స్టార్ట్ కావాల్సి ఉండ‌గా..క‌రోనా వైర‌స్ కార‌ణంగా వ‌చ్చేనెల 15 వ‌ర‌కు వాయిదా ప‌డింది. మ‌రోవైపు దేశవ్యాప్తంగా వ‌చ్చేనెల 14వ‌ర‌కు లాక్ డౌన్ న‌డుస్తుండ‌టంతో 15 నుంచి ఐపీఎల్ తిరిగి ప్రారంభంకావ‌డం సందేహాస్ప‌దంగా మారింది. ఈ నేప‌థ్యంలో ఇప్ప‌టివ‌ర‌కు లీగ్‌లో టాప్‌-5 బ్యాట్స్‌మెన్ల‌ను ప‌రిశీలిస్తే భార‌త కెప్టెన్ విరాట్ కోహ్లీ అగ్ర‌స్థానంలో నిలిచాడు.


Read Also: హోమ్ క్వారంటైన్‌లో మహిళా స్టార్ క్రికెటర్


టోర్నీ ప్రారంభ‌మైన‌ప్ప‌టి నుంచి ఐపీఎల్ త‌ర‌పున ఆడుతున్న కోహ్లీ.. మొత్తం 177 మ్యాచ్‌ల్లో 5,412 ప‌రుగులు చేశాడు. ఇందులో మొత్తం 191 సిక్స‌ర్లు, 480 ఫోర్లు ఉన్నాయి. ఇక ఈ జాబితాలో సురేశ్ రైనా రెండో స్థానంలో నిలిచాడు. త‌న ఖాతాలో 5,368 పరుగులున్నాయి. ఇక మూడ స్థానంలో రోహిత్ శ‌ర్మ నిలిచాడు. త‌ను 188 మ్యాచ్‌ల్లో 4898 ప‌రుగులు సాధించాడు.

Read Also: ఇండో-ఆసీస్ సిరీస్‌.. యాషెస్‌కు త‌క్కువేమీ కాదు


ఇక నాలుగోస్థానంలో ఆస్ట్రేలియాకు చెందిన డేవిడ్ వార్న‌ర్ నిలిచాడు. త‌ను 126 మ్యాచ్‌లు ఆడి 4706 ప‌రుగులు సాధించాడు. ఇక ఐదోస్థానంలో భార‌త ఓపెన‌ర్ శిఖ‌ర్ ధావ‌న్ నిలిచాడు. త‌ను 159 మ్యాచ్‌లాడి 4579 ప‌రుగులు న‌మోదు చేశాడు. ఇక క‌రోనా వైర‌స్ ఉధృతి త‌గ్గ‌క‌పోవ‌డంతో ఈ ఏడాది ఐపీఎల్ నిర్వ‌హ‌ణ‌పై సందేహాలు నెల‌కొన్నాయి. మ‌రోవైపు వ‌చ్చే సెప్టెంబ‌ర్‌లో ఈ టోర్నీని నిర్వ‌హించే అవ‌కాశాలున్న‌ట్లు తెలుస్తోంది.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title indian captain virat kohli tops ipl’s highest run getters list

(Telugu News from Samayam Telugu , TIL Network)





Source link

Leave a Reply

Your email address will not be published. Required fields are marked *