virat kohli super over batting: కోహ్లి మాస్టర్ ప్లాన్.. ఫామ్‌లో లేకున్నా సూపర్ ఓవర్‌లో బ్యాటింగ్‌.. కారణం ఇదే! – rcb vs mi, ipl 2020: why virat kohli did batting in super over?


ముంబై ఇండియన్స్‌, రాయల్ ఛాలెంజర్స్ బెంగళూరు జట్ల మధ్య జరిగిన సూపర్ ఓవర్లో.. ముందుగా బ్యాటింగ్ చేసిన ముంబై 7 పరుగులకే పరిమితమైంది. తర్వాతి బ్యాటింగ్ బెంగళూరుది. ఎవరూ బ్యాటింగ్‌కు దిగుతారోనని అందరూ ఆసక్తిగా ఎదురు చూస్తున్నారు. ముందుగా డివిలియర్స్ ఒక్కడే డ్రెస్సింగ్ రూం నుంచి గ్రౌండ్లోకి అడుగుపెట్టాడు. దీంతో ఏబీ ఒక్కడే ఆడతాడేమోనంటూ కామెంటేటర్లు ఛలోక్తి విసిరారు. ఇంతలోనే అందర్నీ ఆశ్చర్యపరుస్తూ కోహ్లి బ్యాటింగ్‌కు దిగాడు.

వరల్డ్ నంబర్ వన్ ఆటగాడైన కోహ్లి బరిలోకి దిగడం మామూలుగానైతే స. కానీ విరాట్ ఫామ్‌లో లేడు. తొలి మ్యాచ్‌లో 13 రన్స్, రెండో మ్యాచ్‌లో ఒక పరుగు.. ముంబైతో మ్యాచ్‌లో 3 పరుగులు చేశాడు. అవతల బౌలింగ్ చేసేదేమో బుమ్రా. దీంతో కోహ్లి ఎందుకు బరిలో దిగాడని కొందరు లోలోపల ఆందోళన చెందారు.

కానీ స్వల్ప లక్ష్యాన్ని చేధించే క్రమంలో రెండు పరుగులు తీసిన తర్వాత డివిలియర్స్ ఓ ఫోర్ బాదాడు, తర్వాత సింగిల్ రావడంతో స్కోర్లు సమం అయ్యాయి. ఆఖరి బంతిని ఫోర్ బాదిన కోహ్లి విన్నింగ్ షాట్ కొట్టాడు. లక్ష్యం తక్కువగా ఉండటంతో అవసరమైతే సింగిల్స్, డబుల్స్ తీసైనా గెలిచే అవకాశం బెంగళూరుకు ఉంది. దీంతో వికెట్ల మధ్య వేగంగా పరిగెత్తే కోహ్లినే బ్యాటింగ్‌కు దిగాడు. అంతే కాదు కోహ్లి క్రీజ్‌లో ఉంటే బౌలర్‌పై ఒత్తిడి రెట్టింపు అవుతుంది.

‘కోహ్లి ఫామ్‌లో లేనప్పటికీ.. సూపర్ ఓవర్లో ముందుండి జట్టును నడిపించాడు. కానీ రోహిత్ మాత్రం హార్దిక్, పోలార్డ్‌ల వెనుకాల దాక్కున్నాడు’ అంటూ కోహ్లి ఫ్యాన్స్ హిట్ మ్యాన్‌పై సెటైర్లు వేస్తున్నారు.

ఈ మ్యాచ్‌‌లో కోహ్లి కెప్టెన్సీతోనూ ఆకట్టుకున్నాడు. బౌలర్లను సమర్థవంతంగా వాడుకున్నాడు. వాషింగ్టన్ సుందర్ 4 ఓవర్లలో 12 రన్స్ మాత్రమే ఇచ్చి రోహిత్ శర్మ వికెట్ తీశాడు. సూపర్ ఓవర్లోనూ సైనీతో తెలివిగా బంతులు వేయించాడు.



Source link

Leave a Reply

Your email address will not be published. Required fields are marked *