Virender Sehwag: టెస్టు క్రికెట్ చరిత్రలో సెహ్వాగ్ ఓ విధ్వంసక ఓపెనర్: వీవీఎస్ – former team india batsman vvs laxman hails sehwag as one of the most destructive openers in test history


భారత మాజీ ఓపెనర్ వీరేంద్ర సెహ్వాగ్ క్రికెట్ ఆడే అన్నిరోజులూ.. ‘బంతిని చూడటం.. బాదడం’ అనే ఫార్మాలాని సింపుల్‌గా ఫాలో అయిపోయాడు. ఫార్మాట్ ఏదైనా.. ప్రత్యర్థి ఎవరైనా.. చివరికి మ్యాచ్‌ ఎలాంటి స్థితిలో ఉన్నా కూడా సెహ్వాగ్ తన బ్యాటింగ్‌ స్టయిల్‌ని మాత్రం మార్చుకోలేదు. ఆ దూకుడు కారణంగా ఎన్నోసార్లు అతను మ్యాచ్ ఆరంభంలోనే వికెట్ చేజార్చుకున్నాడు. కానీ.. లెక్కకి మించి విధ్వంసక ఇన్నింగ్స్‌లు కూడా అతని ఖాతాలో ఉన్నాయి.

టెస్టుల్లో ట్రిఫుల్ సెంచరీ బాదిన తొలి భారత క్రికెటర్‌గా రికార్డు నెలకొల్పిన వీరేంద్ర సెహ్వాగ్.. రెండు సార్లు 300+ మైలురాయిని అందుకున్నాడు. ఇప్పటికీ టెస్టుల్లో భారత్ తరఫున అత్యధిక వ్యక్తిగత స్కోరు (319) సెహ్వాగ్ పేరిటే ఉంది. ఇక వన్డేల్లోనూ డబుల్ సెంచరీ బాదిన సెహ్వాగ్.. భారత క్రికెట్ చరిత్రలోనే ఓపెనర్‌గా చెరగని ముద్ర వేశాడు. అయితే.. పాదాలు కదల్చకుండా ఎక్కువ షాట్లు ఆడే సెహ్వాగ్‌ బ్యాటింగ్‌ స్టయిల్‌పై అప్పట్లో విమర్శలు వచ్చాయి. కానీ.. ఫుట్‌వర్క్‌ని మార్చుకునేందుకు అతను ఇష్టపడలేదు. విమర్శలు పట్టించుకోకుండా మొండిగా ముందుకు వెళ్లి.. సక్సెస్ అయ్యాడు.

వీరేంద్ర సెహ్వాగ్ బ్యాటింగ్ స్టయిల్‌ గురించి తాజాగా అతని సహచరుడు వీవీఎస్ లక్ష్మణ్ మాట్లాడుతూ.. హైక్వాలిటీ ఫాస్ట్ బౌలింగ్‌ని ఎదుర్కోలేడనే విమర్శలను అతను ఉతికారేశాడని కితాబిచ్చాడు. అలానే టెస్టు క్రికెట్‌లో విధ్వంసక ఓపెనర్‌గా వీరేంద్ర సెహ్వాగ్ ఎదిగాడని లక్ష్మణ్ గుర్తు చేసుకున్నాడు.



Source link

Leave a Reply

Your email address will not be published. Required fields are marked *