Virender Sehwag: సెహ్వాగ్ కంటే ఇమ్రాన్ టాలెంటెడ్.. కానీ బుర్ర లేదు: అక్తర్ – shoaib akhtar claimed imran nazir was more talented than virender sehwag


భారత మాజీ ఓపెనర్ వీరేంద్ర సెహ్వాగ్ కంటే పాకిస్థాన్ మాజీ క్రికెటర్ ఇమ్రాన్ నజీర్ ప్రతిభావంతుడని ఆ దేశ మాజీ ఫాస్ట్ బౌలర్ షోయబ్ అక్తర్ అభిప్రాయపడ్డాడు. 1999లో పాకిస్థాన్ జట్టులోకి అరంగేట్రం చేసిన నజీర్ భారత్‌పై మ్యాచ్‌లో విధ్వంసక శతకం బాదేశాడు. దీంతో.. పాక్ తరఫున నజీర్ తిరుగులేని క్రికెటర్‌గా ఎదుగుతాడని ఆ దేశ మాజీ క్రికెటర్లు అంచనాలు వేశారు. కానీ.. నెలల వ్యవధిలోనే అతని కెరీర్ గాడి తప్పింది.. 8 టెస్టులు, 79 వన్డేలు, 25 టీ20 ఆడిన ఈ హిట్టర్.. 2,822 పరుగులు మాత్రమే చేశాడు. కానీ.. వీరేంద్ర సెహ్వాగ్ అంతర్జాతీయ క్రికెట్‌లో ఏకంగా 17,253 పరుగులు చేసిన విషయం తెలిసిందే.

Read More: ఫిక్సింగ్‌కి పాల్పడి నిషేధానికి గురైన పాక్ క్రికెటర్లు వీరే..!

ఇమ్రాన్ నజీర్ కెరీర్ గురించి తాజాగా అక్తర్ తన యూట్యూబ్ ఛానల్‌లో మాట్లాడుతూ ‘‘ఇమ్రాన్ నజీర్‌కి ఉన్న టాలెంట్ వీరేంద్ర సెహ్వాగ్‌కి లేదు. కానీ.. సెహ్వాగ్‌కి ఉండే బుర్ర నజీర్‌కి లేదు. భారత్‌పై విధ్వంసక శతకం బాదిన తర్వాత నిలకడగా ఆడాలని నజీర్‌కి నేను సూచించాను. కానీ.. అతను నా మాటలు పట్టించుకోలేదు. దురదృష్టవశాత్తు అతడి సేవల్ని పాక్ ఎక్కువకాలం వినియోగించుకోలేకపోయింది. సెహ్వాగ్ కంటే అతను బెటర్ ప్లేయర్.. మంచి ఫీల్డర్ కూడా’’ అని వెల్లడించాడు.

Read More: ఐసీసీ కొత్త రూల్‌కి చాహల్ ప్రతిపాదన.. సిక్స్ కొడితే బ్యాట్స్‌మెన్ తేవాలి

వాస్తవానికి వీరేంద్ర సెహ్వాగ్, షోయబ్ అక్తర్ మధ్య సుదీర్ఘకాలంగా ఆధిపత్య పోరు జరుగుతోంది. క్రికెట్ ఆడే రోజుల్లో మైదానంలో పోటీపడిన ఈ ఇద్దరూ.. ఇప్పుడు ఆటకి వీడ్కోలు పలికినా తరచూ మాటల యుద్ధానికి దిగుతుంటారు. ఈ క్రమంలో కవ్వింపులతో ఇలా అక్తర్ నోరుజారడం.. సెహ్వాగ్ కౌంటరివ్వడం పరిపాటిగా మారింది.



Source link

Leave a Reply

Your email address will not be published. Required fields are marked *