visakha man missing in mumbai: మతిస్థిమితం కోల్పోయిన విశాఖవాసిని చేరదీసి కుటుంబానికి అప్పగించిన ముంబై మహిళ – a women from mumbai has helped andhra man reunite with his family


మతిస్థిమితం కోల్పోయి ముంబై రోడ్లుపై తిరుగుతోన్న తెలుగు వ్యక్తిని ఓ మహిళ చేరదీసి తిరిగి అతడిని సురక్షితంగా కుటుంబం చెంతకు చేర్చింది. విశాఖపట్నానికి చెందిన పదుళ్లపర్తి హనుమన్నాగ సత్యనారాయణ (40) ఆరు నెలల కింద ముంబై వెళ్లాడు. అయితే, అక్కడ ఏం జరిగిందో గానీ మతిస్థిమితం కోల్పోయి వీధుల్లో పిచ్చివాడిలా తిరిగేవాడు. ఇలా భయాందర్ ఫుట్‌పాత్‌లపై గడుపుతోన్న అతడిని స్థానిక సామాజిక కార్యకర్త రేనిత డానీ మిరండా (32) అనే మహిళ చూసింది. తప్పిపోయినవారిని తిరిగి కుటుంబాల చెంతకు చేర్చే‘నో మోర్ మిస్సింగ్’ ఫేస్‌బుక్ గ్రూప్‌లో సభ్యురాలిగా ఉన్న మిరండా సత్యనారాయణను మాట్లాడించే ప్రయత్నం చేసింది. కానీ అతడికి తెలుగు తప్పా మరే భాష తెలియకపోవడంతో భర్త స్నేహితుడి ద్వారా బాధితుడి వివరాలను తెలుసుకోగలిగింది. తనది ఆంధ్రప్రదేశ్‌లోని విశాఖపట్నమని, ఆరు నెలల కిందట ముంబైకి వచ్చినట్టు తెలిపాడు. కానీ, ఫుట్‌పాత్‌పైకి ఎలా వచ్చానో తనకే తెలియదని చెప్పాడు.

అతడు చెప్పిన వివరాలు, ఫోటోతోపాటు ఫేస్‌బుక్‌లో పోస్ట్‌చేసిన ఆమె సత్యనారాయణను కుటుంబం వద్దకు చేర్చడానికి సాయం చేయమని కోరింది. ఫేస్‌బుక్‌లో దీనిపై స్పందించిన ఓ తెలుగు వ్యక్తి ఆయన చిరునామా, సోదరుడి శివ ఫోన్ నెంబరు‌ను ఆమెకు అందజేశాడు. ఆ వ్యక్తి ఇచ్చిన ఫోన్ నెంబరుకు మిరండా ఫోన్ చేస్తే, తాను ఇప్పుడు ముంబై వచ్చే పరిస్థితి లేదని, తీవ్ర అనారోగ్యంతో ఉన్నానని సత్యనారాయణ సోదరుడు సమాధానం ఇచ్చాడు. పోలీసులకు కూడా అతడు తప్పిపోయినట్టు ఫిర్యాదు చేయకపోవడంలో లీగల్‌గా పని సాధ్యం కాదని ఆమె నిర్ణయించుకుంది.

దీంతో తానే అతడిని తీసుకుని మే 16న ముంబై నుంచి విశాఖకు బయలుదేరింది. మే 18న విశాఖ చేరుకుని కుటుంబసభ్యులకు అప్పగించింది. దీనిపై మిరండా మాట్లాడుతూ.. మతిస్థిమితిలేని అతడితో ప్రయాణం తనకు ఓ సవాల్‌గా నిలిచినా, దేవుడు దయవల్ల తోటి ప్రయాణికులు సహకరించారని సంతోషం వ్యక్తం చేసింది. అలాగే హైదరాబాద్‌కు చెందిన ఓ స్నేహితుడు ఫోన్‌లో తనకు సాయంచేశాడని, ట్రాన్స్‌లేటర్‌గా ఉపయోగపడ్డాడని తెలిపింది. మిరండా చేసిన సహాయానికి తాము చాలా రుణపడి ఉంటామని సత్యనారాయణ కుటుంబసభ్యులు ఆమెపై ప్రశంసలు కురిపంచారు.

Read This Story Also Mumbai Mirror



Source link

Leave a Reply

Your email address will not be published. Required fields are marked *