Visakhapatnam Capital: విశాఖకు రాజధాని తరలింపు వేగవంతం.. అధికారులకు కీలక ఆదేశాలు – vizag administrative capital: minister kannababu, vijayasai reddy meeting on water problem in visakhapatnam


ఆంధ్రప్రదేశ్ మూడు రాజధానుల వ్యవహారంపై కోర్టులో విచారణ సాగుతున్నా జగన్ సర్కారు మాత్రం వెనక్కుతగ్గడం లేదు. ముఖ్యమంత్రి వైఎస్ జగన్మోహన్‌రెడ్డి తీసుకున్న నిర్ణయంపై వెనక్కు తగ్గేది లేదని ఇప్పటికే అనేకసార్లు వైసీపీ కీలక నేత, ఎంపీ విజయసాయిరెడ్డి సహా మంత్రులు తేల్చి చెప్పారు. ఈ నేపథ్యంలోనే ఆంధ్రప్రదేశ్‌ పరిపాలనా రాజధానిగా విశాఖపట్నంకు తరలివెళ్లేందుకు వడివడిగా అడుగులేస్తోంది. ఇందులో భాగంగా వైసీపీ ఎంపీ విజయసాయిరెడ్డి స్థానిక అధికారులతో సమీక్షా సమావేశం నిర్వహించారు. విశాఖ పరిపాలనా రాజధానిగా మారుతున్నందున తదనుగుణంగా తాగునీటి వనరులపై దృష్టి పెట్టాలని అధికారులను ఆదేశించారు.

రాజధానితో పాటు పారిశ్రామిక రంగం కూడా పెరిగే అవకాశం ఉన్నందున జీవీఎంసీ పరిధిలో 30 శాతం జనాభా పెరుగుతుందని అంచనా వేశామన్నారు. భవిష్యత్‌ను దృష్టిలో ఉంచుకుని రాబోయే తరాల వారి అవసరాల కోసం తాగునీటిపై మాస్టర్ ప్లాన్ రూపొందించాలని అధికారులను ఆదేశించారు. ప్రజలకు, ప్రభుత్వానికి ఎలాంటి ఇబ్బందులు కలగకుండా ప్రణాళికను తయారు చేయాలని ఎంపీ తెలిపారు.

ఈ సమావేశంలో పాల్గొన్న విశాఖ ఇన్‌చార్జి మంత్రి కన్నబాబు మాట్లాడుతూ.. భవిష్యత్ అవసరాలకు తగ్గట్లుగా విశాఖ తాగునీటిపై మాస్టర్ ప్లాన్ తయారు చేయాలని, పరిపాలనా రాజధాని వస్తే విశాఖలో జనాభా పెరుగుతుందని వివరించారు.



Source link

Leave a Reply

Your email address will not be published. Required fields are marked *