visakhapatnam divya murder case: విశాఖ దివ్య హత్య కేసులో వీడిన మిస్టరీ – visakhapatnam divya murder case police arrest two accused


విశాఖ నగరం నడిబొడ్డున దారుణ హత్యకు గురైన దివ్య హత్య కేసును పోలీసులు చేధించారు. ముందుగా అనుమానాస్పద మృతిగా కేసు నమోదు చేసిన పోలీసులు.. ఆమె ఒంటిపై గాయాలు ఉండటంతో హత్యగా గుర్తించారు. గ్రేటర్ విశాఖ నగరంలో రెండు రోజుల క్రితం అక్కయ్యపాలెం చెక్కుడురాయి బిల్డింగ్‌ వద్ద అనుమానాస్పదస్థితిలో మృతిచెందిన దివ్య కేసులో సంచలన నిజాలు బయట పడ్డాయి. దివ్యతో కలిసి వ్యభిచారం నిర్వహిస్తున్న ఓ ముఠాయే ఆమెను అత్యంత దారుణంగా హతమార్చినట్లుగా పోలీసుల విచారణలు తెలిసింది.

దివ్యతో వ్యభిచారం చేయిస్తూ డబ్బులు సంపాదించాలని వివాహిత వసంత, ఆమె సోదరి ప్లాన్ వేసుకున్నారు. దివ్యను పెట్టుబడిగా పెట్టి వసంత గ్యాంగ్ డబ్బులు సంపాదిస్తోంది. ఇదే క్రమంలో డబ్బుల పంపకం విషయంలో దివ్య, వసంత గ్యాంగ్‌కు మధ్య విభేదాలు తలెత్తాయి. దీంతో దివ్యను అంతమొందించాలని వసంత గ్యాంగ్ స్కెచ్ వేసింది. దివ్యను హతమార్చాలని ప్లాన్ చేశారు. దివ్యకు గుండు గీసి, కనుబొమ్మలు కత్తిరించి, వాతలు పెట్టారు. దివ్య ఒంటిపై సిగరెట్ వాతలు కూడా ఉన్నట్లు పోలీసులు గుర్తించారు. ఇలా మూడు రోజులుగా తిండి కూడా పెట్టకుండా గదిలో వేసి దివ్యను బంధించారు. టార్చర్ పెట్టి అనంతరం ఆమె ప్రాణాలు తీశారు.

ఈ కేసును సీరియస్‌గా తీసుకున్న పోలీసులు.. రెండో రోజుల్లోనే మిస్టరీని ఛేదించారు. ఈ కేసుల మొత్తం నలుగురిని అనుమానితులుగా గుర్తించారు. ప్రధాన నిందితులు వసంత, ఆమె సోదరిని పోలీసులు అదుపులోకి తీసుకున్నారు. మరి కొందరు కోసం గాలింపు చేపట్టారు. దివ్య స్వస్థలం తూర్పు గోదావరి జిల్లాగా గుర్తించారు. దివ్యను గాయపరిచిన, హత్యకు ఉపయోగించినట్లు అనుమానిస్తున్న సామగ్రిని, పరికరాలను పోలీసులు స్వాధీనం చేసుకున్నట్లు తెలిసింది. హత్యకు గల కారణాలపై కుటుంబ సభ్యులను, చుట్టుపక్కల ప్రాంతాల వారి నుంచి వివరాలను పోలీసులు సేకరించారు.



Source link

Leave a Reply

Your email address will not be published. Required fields are marked *