visakhapatnam gas leak: Vizag Gas Leak ఘటనపై ఐరాస స్పందన.. జోక్యం ఉంటుందో లేదోనని వ్యాఖ్య – united nations chief responds over vizag gas leak incident


విశాఖపట్నంలోని గోపాలపట్నం వద్దగల పరిశ్రమలో స్టైరీన్‌ విష వాయువు లీకేజీ ఘటనపై అమెరికాలోని ఐక్యరాజ్య సమితి సైతం స్పందించింది. ఈ విషాద దుర్ఘటనలో ప్రాణాలు కోల్పోయిన వారికి ఐక్యరాజ్య సమితి చీఫ్ ఆంటోనియో గటెరస్ ప్రగాఢ సానుభూతి తెలియజేశారు. ఈ మేరకు ఐక్యరాజ్య సమితి అధికార ప్రతినిధి ప్రకటన వెలువరించారు. ఈ ఘటనపై స్థానిక ప్రభుత్వం పూర్తి స్థాయిలో విచారణ చేపడుతోందని తాము భావిస్తున్నట్లుగా ఆయన ఆశాభావం వ్యక్తం చేశారు.

‘‘గ్యాస్ లీకైన విషయంలో భవిష్యత్తులో మా జోక్యం ఉంటుందో ఉండదో మాకు తెలియదు. కానీ, మృతుల కుటుంబాలకు మా ప్రగాఢ సానుభూతి తెలుపుతున్నాం. విష వాయువు ప్రభావానికి గురైన బాధితులు త్వరగా కోలుకోవాలని ఆశిస్తున్నాం. ఈ తప్పిదంపై స్థానిక ప్రభుత్వం పూర్తిగా దర్యాప్తు చేయించాలని భావిస్తున్నాం’’ అని ఐక్యరాజ్య సమితి అధికార ప్రతినిధి స్టెఫన్‌ డుజారిక్‌ అన్నారు.

Must Read:

‘6 ఏళ్లుగా క్వారంటైన్‌లోనే కేసీఆర్.. బతికున్నానని చెప్పేందుకే బయటికి..’

సంబంధిత ఘటనపై ఐక్యరాజ్య సమితి చీఫ్ స్పందన గురించి విలేకరులు అడగ్గా ఆయన ఈ మేరకు సమాధానం చెప్పారు. విశాఖపట్నంలోని ఆర్ఆర్ వెంకటాపురంలో ఉన్న మల్టీనేషనల్ కంపెనీ అయిన ఎల్‌జీ పాలిమర్స్‌ రసాయన పరిశ్రమలో ఈ ప్రమాదం సంభవించిన సంగతి తెలిసిందే. పరిశ్రమలో ఉన్న భారీ బాయిలర్ల నుంచి స్టైరీన్ అనే విష వాయువు విడుదలై చుట్టు పక్కల గ్రామాలకు విస్తరించింది. ఈ వాయువు ధాటికి ఇప్పటి వరకూ 12 మంది ప్రాణాలు కోల్పోగా.. దాదాపు వెయ్యి మంది వరకూ ప్రభావితమయ్యారు.



Source link

Leave a Reply

Your email address will not be published. Required fields are marked *