vitamin e oil uses: బాబోయ్‌… విటమిన్ ఇ ఆయిల్‌తో ఇన్ని ఉపయోగాలు ఉంటాయా.. – some surprising effective benefits of vitamin e oil


విటమిన్ ఇ క్యాప్సూల్స్ ని ఎవియన్ క్యాప్సూల్స్ అని కూడా అంటారు. వీటి వల్ల ఎన్నో ఆరోగ్య ప్రయోజనాలు ఉంటాయి. ఈ ఆయిల్‌‌ని శరీరంలోని వివిధ భాగాలలో, అంటే తల నుంచి పాదాల వరకూ ఉపయోగించవచ్చు. జుట్టు, ముఖం, గోర్లు ఇలా విటమిన్ ఇ ‌ఆయిల్‌ని మీ అనేక విధాలుగా ప్రయోజనం చేకూర్చడంలో సాయపడుతుంది. విటమిన్ ఇ క్యాప్సూల్స్ యొక్క బెనిఫిట్స్ పొందటానికి మీరు కొన్నింటిని ఎంచుకోవచ్చు.

గోర్ల అందానికి..

మనలో చాలా మందికి గోర్లు పెంచడం అంటే చాలా ఇష్టం. ఎందుకంటే, గోర్లు చేతికి మరింత అందాన్ని ఇస్తాయి. అందుకే చాలా మంది పెద్దగా గోర్లు పెంచుకుంటారు. కానీ, మనం ఎప్పుడు అనేక పనులు చేస్తూ ఉంటాం. వంట చేయడం, బట్టలు ఉతకడం, తోటపని, గిన్నెలు తోమటం ఇలా వివిధ రకాల పనులు చేస్తూ ఉంటారు. ఈ రోజు పనులు చేయడం వల్ల మీ గోళ్ళపై ప్రభావం పడుతుంది. దీంతో గోర్లు విరిగిపోవడం, గీతలు పడటం, పీలింగ్ రూపంలో ప్రభావం చూపుతాయి. దీంతో, గోర్ల ఆరోగ్యం పాడవ్వటం వల్ల అవి పసుపు రంగులోకి మారి విరిగిపోతూ ఉంటాయి. దీని కోసం చాలా మంది బ్యూటీ పార్లర్ లకు వెళ్తూ ఉంటారు. అయిన అవి అంత ప్రభావం చూపవు. అందుకే మీ కోసం ఇంటి వద్ద పాటించే కొన్ని విషయాలను పాటించండి. దీనిని తగ్గించడానికి, మీకు కావలసిందల్లా విటమిన్ ఈ క్యాప్సూల్. మీ గోర్లు, క్యూటికల్స్, మీ గోళ్ళ చుట్టూ ఉన్న చర్మాన్ని సున్నితంగా మసాజ్ చేయడానికి ఈ క్యాప్స్యూల్స్‌లోని నూనెని వాడండి. నిద్ర పోవటానికి ముందు ఈ విటమిన్ ఈ క్యాప్స్యూల్స్ ను గోర్లు, చుట్టూ ఉన్న చర్మానికి చక్కగా మర్దన చేస్తే మీ గోర్లు తేమను పొందుతాయి. దీంతో మీ గోర్లు ఆరోగ్యంగా ఉంటాయి.

Also Read : తల్లికి కరోనా వస్తే.. బిడ్డకు పాలివ్వడం ఆపేయ్యాలా..

నైట్ టైమ్ ముఖానికి..

చర్మ సౌందర్యానికి అవసరమైన విటమిన్స్‌లో విటమిన్ ఇ ఒకటి. అందుకే చాలా బ్యూటీ ప్రొడక్ట్స్‌లో విటమిన్ ఇ‌ని వాడతారు. విటమిన్ ఇ చర్మ సౌందర్యానికి దోహదపడతుందికి. చర్మానికి కాంతివంతంగా, యవ్వనంగా ఉంచడానికి విటమిన్ ఇ సాయపడుతుంది. విటమిన్ ఇ క్యాప్స్యూల్స్ చర్మంలో తేమను కాపాడుకోవడానికి తోడ్పడతాయి. దీని వల్ల చర్మం గ్లో, సున్నితత్వాన్ని పొందుతుంది. ఈ క్యాప్స్యూల్ వల్ల మంచి రిజల్ట్స్ కోసం రాత్రిపూట ముఖానికి రాసుకునే క్రీమ్ లో కొద్దిగా విటమిన్ ఇ క్యాప్స్యూల్ వేస్తే ముఖానికి అద్భుతంగా పనిచేస్తుంది. మీరు విటమిన్ ఇ నూనె యొక్క కొన్ని చుక్కలను మీ రెగ్యులర్ నైట్ క్రీమ్‌లో కలిపి ముఖం కడిగిన తరువాత రాసుకోండి. ఇది మీ చర్మానికి సీరమ్‌లా పనిచేస్తుంది. రాత్రి సమయంలో మీ ముఖానికి తగినంత తేమను అందిస్తుంది. బెడ్ షీట్స్, దిండ్లకు నూనె మరకలు అంటకుండా ఉండేందుకు, ఈ క్రీమ్‌ని పడుకోవటానికి కనీసం 30 నిమిషాల ముందు రాసుకోండి.

జుట్టు కోసం..

అందమైన పొడవైన జుట్టు కావాలని ప్రతి ఒక్కరూ కోరుకుంటారు. వాటికీ మార్కెట్ లో లభించే అనేక కెమికల్ ప్రొడక్ట్స్‌లో ఉపయోగిస్తూ ఉంటారు. వాటి వల్ల జుట్టు మరింత పాడైపోతుంది. ఆ ఉత్పత్తుల్లో ఉన్న రసాయనాల వల్ల జుట్టు రాలిపోవడం, జుట్టు డ్రైగా అవ్వటం, పగిలిపోవటం వంటి సమస్యలు వస్తూ ఉంటాయి. జుట్టు సంరక్షణ కోసం మార్కెట్లో లభించే ఏవేవో వాడే బదులు సులభంగా ఇంటి దగ్గరే మృదువైన, మెరిసే జుట్టును పొందొచ్చు. జుట్టుకు అద్భుతమైన ప్రయోజనాలను అందించడంలో నూనెల్లో విటమిన్ ఇ ఒకటి. ఈ నూనె జుట్టుకు అద్భుతంగా పనిచేస్తుంది. విటమిన్ ఇ క్యాప్సూల్ ఆయిల్‌ని మీరు వాడే హెయిర్ ఆయిల్ తో కలపండి. దీనిని మీ జుట్టుకు రాసుకొని కాసేపు మసాజ్ చేయండి. ఈ మిశ్రమాన్ని 2-3 గంటల వరకు అలాగే ఉంచి తరువాత షాంపూ, గోరు వెచ్చని నీటితో స్నానం చేయండి. ఇలా వారానికి రెండుసార్లు ఉపయోగించండి. కేవలం 2-3 సార్లు మీరు చక్కని ఫలితాలను చూస్తారు.

Also Read : నానబెట్టిన బాదం మంచిదా.. అలానే తినడం మంచిదా..

యాంటీ రింకీల్ క్రీమ్‌గా..

ఒక వయసు వచ్చాక స్కిన్‌కి పాడవుతుంది. ముడతలు, మచ్చలు, ఫైన్ లైన్స్ వంటి ఎన్నో చర్మ సమస్యలు వస్తూ ఉంటాయి. ఇలాంటి చర్మ సమస్యలకు చక్కటి పరిష్కారం విటమిన్ ఇ. విటమిన్ ఇ నూనె‌ని యాంటీ ఏజింగ్ క్రీమ్‌గా వాడొచ్చు. ఇది యాంటీ ఆక్సిడెంట్స్‌తో నిండి ఉంటుంది. రక్త ప్రసరణను పెంచుతుంది. మీ చర్మంపై విటమిన్ ఇ నూనె వేసి మసాజ్ చేయడం వల్ల మీ స్కిన్ మెరవడమే కాకుండా మీ చర్మం మెరుస్తూ ఉంటుంది. అంతేకాక విటమిన్ ఇ‌ని ఎన్నో బ్యూటీ ప్రొడక్ట్స్‌లో కలపడం ద్వారా యాంటీ ఆక్సిడెంట్ గా పనిచేసి వయస్సు పెరుగుతున్న కొద్దీ చర్మంలో వచ్చే అనేక మార్పులను ఇది సమర్థంగా నివారించి దీర్ఘకాలం పాటు యవ్వనంగా ఉంచుతుంది. పొడి చర్మం ఉన్న వారు విటమిన్ ఇ తీసుకుంటే చర్మం సున్నితంగా తయారవుతుంది.

Also Read : షుగర్ పేషెంట్స్ మామిడిపండ్లు తినొచ్చా..

వడదెబ్బ నుంచి ఉపశమనం..

వేసవి కాలం వచ్చిందంటే చాలు చర్మ సమస్యలు ఎక్కువ అవుతాయి. ఎండలో బయటికి వెళ్లి వచ్చిన తరువాత స్కిన్ టాన్ అవ్వడం, చర్మం కమిలిపోవటటం, రాషెస్ వంటి సమస్యలు దూరం అవుతాయి. ముఖ్యంగా మీ చర్మం సున్నితంగా ఉంటే మరిన్ని చర్మ సమస్యలు వచ్చే అవకాశం ఉంది. సున్నితమైన చర్మానికి చక్కటి పరిష్కారం విటమిన్ ఇ. మీరు వడదెబ్బకు గురైతే, విటమిన్ ఇ నూనె మీకు ఉపశమనం ఇస్తుంది. చర్మం తేమగా లేకపోతే విటమిన్ ఇ ఆయిల్.. డ్రై స్కిన్‌ కొరకు వాడొచ్చు. వడదెబ్బ ఫలితంగా మీ చర్మం కమిలిపోవటం, దురద వస్తే మీరు విటమిన్ ఇ నూనెను వింటర్ క్రీమ్‌తో కలపడం ద్వారా ఉపయోగించొచ్చు. అందుకే ఎండలోకి వెళ్లే ముందు సన్‌స్క్రీన్ రాసుకొని వెళ్లడం మంచిది.



Source link

Leave a Reply

Your email address will not be published. Required fields are marked *