vizianagaram volunteers: జగన్ ఫోటోకు వంగి, వంగి వాలంటీర్ల దండాలు.. వీడియో వైరల్ – village volunteers obeisance to ap cm ys jagan photos in vizianagaram, video goes viral


విజయనగరం జిల్లాలో వైస్సార్‌సీపీ నేతల తీరు వివాదాస్పదంగా మారింది. గ్రామ వాలంటీర్లతో ముఖ్యమంత్రి వైఎస్ జగన్‌మోహన్‌రెడ్డి ఫోటోకు వంగి, వంగి దండాలు పెట్టించే వీడియో సోషల్ మీడియాలో వైరల్ అవుతోంది. ఓ గోడపై సీఎం జగన్ ఫోటో పెట్టగా.. వాలంటీర్లు వరుసగా క్యూ లైన్లలో వచ్చి వంగి, వంగి దండం పెట్టారు. పక్కనే ఓ వైఎస్సార్‌సీపీ నేత నిలబడి ఉన్నాడు. ఈ వీడియోతో అధికార పార్టీపై ప్రతిపక్షం టీడీపీ విమర్శలు చేస్తోంది. ఇదేమన్నా రాజరికమా అంటూ మండిపడుతోంది.

అసలు విషయానికి వస్తే.. ఈ సీన్ విజయనగరం జిల్లా నెలిమర్లలో జరిగినట్లు తెలుస్తోంది. కరోనా సమయంలో విధులు నిర్వహిస్తున్న వాలంటీర్లకు ముఖ్యమంత్రి జగన్ బీమా సదుపాయం కల్పించారట. అందుకే స్థానిక వైఎస్సార్‌సీపీ నేతలు వాలంటీర్ల చేత బలవంతంగా వంగి వంగి ఫోటోలకు దండాలు పెట్టించారని టీడీపీ ఆరోపిస్తోంది. ప్రభుత్వం నుంచి జీతాలు తీసుకుంటున్న వాలంటీర్లను తీసుకొచ్చి ఇలా ఫోటోలకు దండాలు పెట్టించడం ఏంటని ప్రశ్నిస్తోంది. మాజీ మంత్రి కిడార్ శ్రవణ్ కుమార్ కూడా ఈ వీడియోను పోస్ట్ చేశారు.

సోషల్ మీడియాలో ఈ వీడియో వైరల్‌‌గా మారగా.. నెటిజన్లు వైఎస్సార్‌సీపీ నేతల తీరుపై మండిపడుతున్నారు. అయితే బీమా కల్పించినందుకు ధన్యవాదాలు తెలుపుతూ వాలంటీర్లు ఇలా చేశారని కొందరు వైఎస్సార్‌సీపీ కార్యకర్తలు సమర్థిస్తున్నారు. ఈ వీడియోపై అధికారులు, వైఎస్సార్‌సీపీ నేతలు స్పందించాల్సి ఉంది. ఈ ఘటనకు సంబంధించిన పూర్తి వివరాలు తెలియాల్సి ఉంది.



Source link

Leave a Reply

Your email address will not be published. Required fields are marked *