VVS Laxaman: కరోనా వార్డు నుంచి విద్యార్థులకు ఆన్‌లైన్ పాఠాలు.. ఆ టీచ‌ర్ ప‌ట్టుద‌ల‌కు ల‌క్ష్మ‌ణ్ ఫిదా – indian former cricketer vvs laxman praises leh maths teacher kifayat hussain


ప్ర‌మాద‌క‌ర క‌రోనా వైర‌స్ బారిన ప‌డిన కూడా చ‌లించ‌కుండా, త‌న విద్యార్థుల‌కు ఆన్‌లైన్‌లో పాఠాలు బోధిస్తున్న ఓ టీచ‌ర్ ప‌ట్టుద‌ల‌ను చూసి భార‌త మాజీ క్రికెట‌ర్ వీవీఎస్ ల‌క్ష్మ‌ణ్ ఫిదా అయ్యాడు. ఆయ‌న కృష్టి, ప‌ట్టుద‌ల ఎంతో మందికి స్ఫూర్తినిస్తుంద‌ని కొనియాడాడు. కేంద్ర‌పాలిత‌ప్రాంతం లడ‌ఖ్‌లోని లేహ్‌కు చెందిన కైఫాయ‌త్ హుస్సేన్.. ఆన్‌లైన్‌లో విద్యార్థుల‌కు పాఠాలు బోధిస్తాడు. అయితే ఇటీవ‌ల క‌రోనా సోక‌డంతో అత‌డిని ఐసోలేష‌న్ వార్డుకు త‌ర‌లించారు. అయితే ఆ వార్డు నుంచే త‌న విద్యార్థుల‌కు పాఠాలు బోధించ‌డం ప్రారంభించాడు. తాజాగా ఆయ‌న‌పై ప్ర‌శంస‌లు కురిపిస్తూ, సోష‌ల్ మీడియాలో ల‌క్ష్మ‌ణ్ పోస్ట్ చేశాడు.

లేహ్ ప్రాంతానికి చెందిన ఖైఫియ‌త్ హ‌స్సేన్ అనే మ్యాథ్స్ టీచ‌ర్ కోవిడ్‌-19 పాజిటివ్‌గా తేలారని పేర్కొన్న ల‌క్ష్మ‌ణ్‌.. ఐసోలేష‌న్ సెంట‌ర్ నుంచి విద్యార్థుల‌కు పాఠాలు బోధిస్తున్నట్లు ట్వీట్ చేశాడు. ఆయ‌న‌లోని ప‌ట్టుద‌ల ఎంతో మందికి స్ఫూర్తినిస్తుంద‌ని పేర్కొన్నాడు. మ‌రోవైపు దేశ‌వ్యాప్తంగా క‌రోనా వైర‌స్ రోజురోజుకు విస్త‌రిస్తున్న సంగ‌తి తెలిసిందే.


ఇప్ప‌టి వ‌ర‌కు దేశ‌వ్యాప్తంగా 81, 900కుపైగా క‌రోనా పాజిటివ్ కేసులు వెలుగులోకి వ‌చ్చాయి. ఇందులో యాక్టివ్ కేసులు 51,300కిపైగా ఉన్నాయి. ఇప్ప‌టివ‌ర‌కు 27,900 మందికిపైగా ఈ వ్యాధి నుంచి కోలుకున్నారు. ఓవరాల్‌గా 2,640 మందికిపైగా మ‌ర‌ణించారు. గురువారం ఒక్క‌రోజే దాదాపు 3.900కుపైగా పాజిటివ్ కేసులు న‌మోద‌య్యాయి. ఇక క‌రోనా కార‌ణంగా ప్ర‌పంచ‌వ్యాప్తంగా క్రీడా కార్య‌క‌లాపాలు అన్ని వాయిదా ప‌డిన సంగ‌తి తెలిసిందే.



Source link

Leave a Reply

Your email address will not be published. Required fields are marked *