wanaparthy constable suspension : వనపర్తి ఘటనలో షాకింగ్ ట్విస్టు.. పార్ట్-2 వీడియో వైరల్ – netizens responds on wanaparthy constable suspension who beats a man


Samayam Telugu | Updated:

వనపర్తి జిల్లా కేంద్రంలో ఓ వ్యక్తికి, కానిస్టేబుల్‌కు మధ్య జరిగిన ఘర్షణ ఆ పోలీస్ సస్పెన్షన్‌కు దారి తీసిన సంగతి తెలిసిందే. ఘర్షణ జరిగిన వెంటనే ఆ వీడియో సామాజిక మాధ్యమాల్లో వైరల్ అవడంతో అది మంత్రి కేటీఆర్‌ దృష్టిలో పడింది. ఆయన ఆదేశాల మేరకు అదే రోజు సాయంత్రానికి కానిస్టేబుల్‌పై వేటు పడింది. అంతేకాక, వనపర్తి జిల్లా ఎస్పీ అపూర్వ రావు బాధితుడి ఇంటికి వెళ్లి పరామర్శించడం కూడా ప్రాధాన్యం సంతరించుకుంది. లాక్ డౌన్ వేళ కుమారుడితో కలిసి బైక్‌పై వెళ్తున్న వ్యక్తిని ఆపిన సందర్భంలో కానిస్టేబుల్‌కు, ఆ వ్యక్తికి మధ్య తగాదా చోటు చేసుకుంది. చిన్న పిల్లాడి ముందే తండ్రిని ఆ కానిస్టేబుల్ కింద పడేసి కొట్టడాన్ని చాలా మంది తప్పుబట్టారు. పోలీసు శాఖలో ఇలాంటి కొంత మంది చేసే తప్పిదాల వల్ల మొత్తం శాఖకే చెడ్డ పేరు వస్తుందని మంత్రి కేటీఆర్ కూడా అన్నారు. చివరికి కానిస్టేబుల్ సస్పెండ్ అయ్యాక, మొత్తం ఈ వ్యవహారంపై భిన్నాభిప్రాయాలు వినిపిస్తున్నాయి.

‘అతని తప్పునకు పోలీసు బలి అయ్యాడు’

ఈ ట్వీట్‌పై నెటిజన్లు భిన్న రకాలుగా స్పందించారు. వనపర్తి ఘటన మీద స్పందించిన కేటీఆర్‌కు కొందరు ధన్యవాదాలు తెలిపారు. నిజామాబాద్‌లో ఆశా వర్కర్ల మీద కుక్కలు వదిలారని ఆ విషయం కూడా కాస్త పట్టించుకోవాలని రామక్రిష్ణ అనే వ్యక్తి సూచించారు. మరో వ్యక్తి ‘‘ఒక్కసారి గమనించగలరు సర్.. చిన్న బాబుని చూశారు కానీ, అతని తండ్రి చేసిన తప్పునకు పోలీసు బలి అయ్యాడు.’’ అని కామెంట్ రాశాడు. కానిస్టేబుల్‌ను సస్పెండ్ చేయడం విచారకరమని మరో నెటిజన్ అభిప్రాయపడ్డాడు. 14 చలాన్లు పెండింగ్‌లో ఉన్న వ్యక్తిని ఎలా విడిచిపెడతారని అన్నారు.

Must Read: టెక్నాలజీతో హైదరాబాద్ పోలీసుల చెక్.. బయటకొచ్చారో అంతే!





Source link

Leave a Reply

Your email address will not be published. Required fields are marked *