wanaparthy police incident : వనపర్తి కానిస్టేబుల్‌ సస్పెండ్.. బాధితుడి ఇంటికి వెళ్లిన ఎస్పీ – wanaparthy sp suspends constable who beats a man in front of his son


వనపర్తి జిల్లా కేంద్రంలో లాక్‌ డౌన్‌ విధుల్లో ఉన్న పోలీస్‌ కానిస్టేబుల్‌ స్థానికుడిపై దాడికి దిగిన ఘటనపై జిల్లా ఎస్పీ అపూర్వరావు కఠిన చర్య తీసుకున్నారు. సదరు కానిస్టేబుల్‌ను సస్పెండ్ చేస్తూ ఉత్తర్వులు జారీ చేశారు. అంతేకాక, ఎస్పీ బాధితుడి ఇంటికి వెళ్లి పరామర్శించారు. అతని కుమారుడితో ముచ్చటించారు. దీనికి సంబంధించిన ఫోటో వైరల్ అవుతోంది.


బుధవారం సాయంత్రం నగరానికి చెందిన ఓ వ్యక్తి తన కుమారుడితో బైక్‌పై రాకపోకలు సాగించాడు. ఇది గమనించిన పోలీసులు అతణ్ని ఆపి లాక్‌డౌన్‌ సమయంలో బాలుడిని వెంట తీసుకెళ్లడం సరికాదని హెచ్చరించారు. అంతేకాక, ఆ బైక్‌పై 14 పెండింగ్‌ చలాన్లు ఉన్నాయని కూడా కానిస్టేబుల్ నిలదీశాడు. మాటామాటా పెరగడంతో ఇద్దరి మధ్యా ఘర్షణ చోటు చేసుకుంది. కానిస్టేబుల్ ఆ వ్యక్తిని కుమారుడి ముందే కింద పడేసి కొట్టాడు.

Also Read:
ఇక లాక్‌డౌన్ ఉల్లంఘిస్తే అంతే.. కేంద్రం తాజా కఠిన ఆదేశాలివే..

ఆ ఘర్షణకు సంబంధించిన వీడియో మంత్రి కేటీఆర్‌ దృష్టికి రావడంతో.. స్పందించిన కేటీఆర్‌ అతనిపై కఠిన చర్యలు తీసుకోవాలని హోం మంత్రిని, డీజీపీని కోరారు. స్పందించిన వనపర్తి జిల్లా ఎస్పీ అపూర్వరావు విచారణకు ఆదేశించి కానిస్టేబుల్‌పై సస్పెన్షన్ వేటు వేశారు. ప్రాథమిక విచారణ అనంతరం కానిస్టేబుల్‌ను సస్పెండ్ చేస్తున్నట్లు ఉత్తర్వులు జారీ చేశారు. ఈ విషయాన్ని మంత్రి కేటీఆర్‌, డీజీపీకి వనపర్తి ఎస్పీ ట్విటర్‌ ద్వారా వెల్లడించారు.

Also Read:
తెలంగాణలో కరోనా హాట్‌స్పాట్‌లు ఇవే, ఇక వారికి ప్రత్యేక ప్రోటోకాల్





Source link

Leave a Reply

Your email address will not be published. Required fields are marked *