warangal student dies in london : లండన్ నుంచి ముంబైకి వరంగల్ విద్యార్థి మృతదేహం.. కేటీఆర్‌కి ఎమ్మెల్యే రిక్వెస్ట్ – warangal student kaitha sathish dead body to reach mumbai on april 20 in cargo flight


బ్రిటన్‌లో గుండెపోటుతో చనిపోయిన వరంగల్ విద్యార్థి మృతదేహం ఏప్రిల్ 20న భారత్ చేరనుంది. వరంగల్ అర్బన్ జిల్లా ఐనవోలు మండలం రాంనగర్‌కు చెందిన కాగిత సతీశ్ (26) ఉన్నత చదువుల కోసం గత ఏడాది ఆరంభంలో బ్రిటన్ వెళ్లాడు. గత ఆదివారం (ఏప్రిల్ 12న) రాత్రి నిద్రలో ఉండగానే గుండెపోటు రావడంతో ప్రాణాలు కోల్పోయాడు. భారత్‌తోపాటు బ్రిటన్లోనూ లాక్‌డౌన్ అమల్లో ఉండటంతో ప్రయాణికుల విమానాలు నిలిచిపోయాయి. తమ కొడుకు మృతదేహాన్ని స్వస్థలానికి రప్పించాలని అతడి తల్లిదండ్రులు కోరారు.


బ్రిటన్లో‌ని తెలుగు సంఘాలు స్పందించి సాయం అందించడంతో అతడి భౌతిక కాయం.. ఏప్రిల్ 18న లండన్ నుంచి బయల్దేరి ఇస్తాంబుల్ మీదుగా వచ్చే కార్గో విమానంలో ముంబై చేరుకోనుంది. ఏప్రిల్ 20న ఉదయం 2 గంటలకు ముంబై విమానాశ్రయానికి సతీశ్ మృతదేహం ముంబైకి చేరుకుంటుందని.. అక్కడి నుంచి వరంగల్ చేరేలా సాయం చేయాలని వర్ధన్నపేట ఎమ్మెల్యే అరూరీ రమేశ్.. మంత్రి కేటీఆర్‌ను కోరారు.

దీనికి స్పందించిన కేటీఆర్ ఈ విషయమై మహారాష్ట్ర అధికారులను సంప్రదించాలని తన ఆఫీసుకు సూచించారు. మహారాష్ట్ర డీజీపీతో మాట్లాడండని డీజీపీ మహేందర్ రెడ్డిని కేటీఆర్ కోరారు. అంతా సవ్యంగా జరిగితే 20వ తేదీ రాత్రి కల్లా కాగిత సతీశ్ మృతదేహం స్వస్థలానికి చేరే అవకాశం ఉంది.

Read Also:
లండన్‌లో తెలంగాణ విద్యార్థి మరణం





Source link

Leave a Reply

Your email address will not be published. Required fields are marked *