West Indies: వెస్టిండీస్ క్రికెట్ బోర్డు కష్టాలు.. ఆటగాళ్లకి మ్యాచ్ ఫీజుల్లేవ్ – cricket west indies in financial crunch, players not paid match fees


వెస్టిండీస్ క్రికెట్ బోర్డు ఆర్థిక కష్టాలు పతాక స్థాయికి చేరాయి. గత కొన్నేళ్లుగా క్రికెటర్లకి అరకొర జీతాలు చెల్లిస్తూ నెట్టుకొస్తున్న విండీస్ క్రికెట్ బోర్డు.. తాజాగా కరోనా వైరస్ కారణంగా ఆటగాళ్లకి కనీసం మ్యాచ్ ఫీజుల్ని కూడా చెల్లించలేని స్థాయికి దిగజారిపోయింది. ఎంతలా అంటే..? ఈ ఏడాది జనవరి నుంచి అంతర్జాతీయ క్రికెటర్లతో పాటు దేశవాళీ ఆటగాళ్లకి కూడా మ్యాచ్ ఫీజుల్ని విండీస్ క్రికెట్ బోర్డు చెల్లించడం లేదు.

Read More: బర్త్‌డే రోజే ఆస్ట్రేలియాకి చుక్కలు చూపిన సచిన్

ఈ ఏడాది జనవరిలో ఐర్లాండ్‌తో సిరీస్‌ ఆడిన వెస్టిండీస్ టీమ్.. ఆ తర్వాత ఫిబ్రవరి -మార్చిలో శ్రీలంకతో మ్యాచ్‌లు ఆడింది. కానీ.. ఈ రెండు సిరీస్‌లకి సంబంధించి ఆటగాళ్లకి మ్యాచ్ ఫీజులు ఇంకా అందలేదు. అలానే ఆస్ట్రేలియా వేదికగా ఇటీవల ముగిసిన ఉమెన్స్ టీ20 వరల్డ్‌కప్‌లో వెస్టిండీస్ మహిళా జట్టు నాలుగు మ్యాచ్‌లు ఆడింది. ఆ టోర్నీకి సంబంధించి మ్యాచ్ ఫీజులు కూడా చెల్లించలేదు. ఇక 2020 వెస్టిండీస్ ఛాంపియన్‌షిప్‌కి సంబంధించి దేశవాళీ ఆటగాళ్ల మ్యాచ్ ఫీజులు ఇంకా ఇవ్వాల్సి ఉంది.

Read More : విరాట్ కోహ్లీని తిట్టిన నోటితోనే పొగిడిన రబాడ

వెస్టిండీస్ క్రికెట్ బోర్డు, ఆటగాళ్ల మధ్య ఈ మ్యాచ్ ఫీజులు, కాంట్రాక్ట్ విషయంలో గతంలోనే పెద్ద ఎత్తున వివాదాలు నడిచాయి. క్రిస్‌గేల్, ఆండ్రీ రసెల్, డ్వేన్ బ్రావో, సునీల్ నరైన్, డ్వేన్ స్మిత్ తదితర సీనియర్ క్రికెటర్లు బోర్డుతో విభేదాల కారణంగా చాలా రోజుల పాటు అంతర్జాతీయ క్రికెట్‌కి దూరమయ్యారు. ఇప్పటికీ చాలా మంది వెస్టిండీస్ క్రికెటర్లు ఆ దేశం తరఫున ఆడటం కంటే ఐపీఎల్ లాంటి ప్రైవేట్ టీ20 లీగ్‌లు ఆడటానికే అధిక ప్రాధాన్యమిస్తుంటారు.



Source link

Leave a Reply

Your email address will not be published. Required fields are marked *