West Indies squad vs England: ఇంగ్లాండ్‌తో సిరీస్‌కి వెస్టిండీస్ జట్టు ప్రకటన.. కరోనాతో ముగ్గురు దూరం – eng vs wi 2020: west indies name 14-man squad for england test series


ఇంగ్లాండ్‌తో జులైలో జరగనున్న మూడు టెస్టుల సిరీస్‌ కోసం వెస్టిండీస్ ఈరోజు 14 మందితో కూడిన జట్టుని ప్రకటించింది. జులై 8 నుంచి ఈ సిరీస్ ప్రారంభంకానుండగా.. కరోనా వైరస్ వ్యాప్తి కారణంగా ఇంగ్లాండ్‌లో పర్యటించేందుకు ఓ ముగ్గురు వెస్టిండీస్ క్రికెటర్లు నిరాకరించారు. పర్యటనకి దూరంగా ఉన్న క్రికెటర్లు సిమ్రాన్ హిట్‌మెయర్, కీమో పాల్, డారెన్ బ్రావో.

ఇంగ్లాండ్‌ పర్యటనకి ఎంపికైన విండీస్ జట్టు ఇదే: జేసన్ హోల్డర్ (కెప్టెన్), కార్లోస్ బ్రాత్‌వైట్, బ్రూక్స్, కాంపెబెల్, రోస్టన్ ఛేజ్, కార్న్‌వాల్, డార్విచ్ (వికెట్ కీపర్), బ్లాక్‌వుడ్, బోనర్, కీమర్ హోల్డర్, షై హోప్, జోసెఫ్, రైఫెర్, కీమర్ రోచ్

జులై 8 నుంచి 12 వరకూ హోంప్‌షైర్‌లో తొలి టెస్టు మ్యాచ్ జరగనుండగా.. జులై 16 నుంచి 20 మధ్య రెండో టెస్టు, 24 నుంచి 28 వరకూ మూడో టెస్టు మ్యాచ్‌ మాంచెస్టర్ వేదికగా జరగనున్నాయి. కరోనా వైరస్ నేపథ్యంలో.. అక్కడికి చేరుకున్న తర్వాత 14 రోజుల పాటు క్వారంటైన్‌లో వెస్టిండీస్ టీమ్ ఉండాల్సి ఉంటుంది. దాంతో.. సిరీస్ ఆరంభానికి నెల రోజుల ముందే టీమ్‌ అక్కడికి చేరుకునే సూచనలు కనిపిస్తున్నాయి.

కరోనా వైరస్ వ్యాప్తి విషయంలో ఇప్పటికే చైనాని దాటేసిన యూకే.. మూడు లక్షల కేసులకి చేరవలో ఉంది. దాంతో.. ఇప్పట్లో ఆ దేశంలో అంతర్జాతీయ మ్యాచ్‌లు ఉండవని అంతా ఊహించారు. కానీ.. జులై నుంచి.. అదీ అన్ని దేశాల కంటే ముందే ఆ దేశంలో ఇంటర్నేషనల్ మ్యాచ్‌లు ప్రారంభంకాబోతున్నాయి.



Source link

Leave a Reply

Your email address will not be published. Required fields are marked *