what are healthy foods: ఈ ఫుడ్‌తో అన్ని వ్యాధులు దూరం.. – top reasons to avoid junk food and know here why we follow healthy diet


1 కప్పు ఎర్ర క్యాప్సికం, బ్రకలీ, నారింజ ముక్కలు సమృద్ధిగా విటమిన్ సి కలిగి ఉంటాయి. గుడ్లు, కాలేయంలో ముఖ్యంగా గుండె ఆరోగ్యం..

యాంటీఆక్సిడెంట్లు, మెగ్నీషియం మరియు ఆరోగ్యకరమైన కొవ్వులతో సహా గుండె ఆరోగ్యానికి తోడ్పడే పోషకాలతో సహజమైన ఆహారం నిండి ఉంటుంది. పోషకాలు ఎక్కువగా ఉన్న సహజమైన ఆహారం తినడం వల్ల గుండె మంట తగ్గుతుంది. తక్కువగా చక్కెర శాతం.. తీపి పదార్థాలు తినడం వల్ల మీ ఊబకాయం, ఇన్సులిన్ తగ్గిపోవడం, టైప్ 2 డయాబెటిస్, ఎక్కువ కొవ్వు వల్ల వచ్చే కాలేయ వ్యాధి, గుండె జబ్బులు వచ్చే అవకాశాలు ఎక్కువ అని కొన్ని పరిశోధనలు సూచిస్తున్నాయి. సాధారణంగా, అనేక ప్రాసెస్ చేసిన ఆహారాల కంటే సహజమైన ఆహారంలో చక్కెర శాతం తక్కువగా ఉంటుంది.

Also Read : చేతులు కడుక్కోవడం ద్వారా ఎన్ని వ్యాధులు దూరమవుతాయంటే..

ఫైబర్ పుష్కలం..

సహజమైన ఆహారంలో ఫైబర్ ఎక్కువగా ఉంటుంది. ఫైబర్ జీర్ణ వ్యవస్థను మెరుగుపరుస్తుంది. అలాగే ఫైబర్ వల్ల అనేక ఆరోగ్య ప్రయోజనాల ఉన్నాయి. అవోకాడో, చియా విత్తనాలు, అవిసె గింజలు, బ్లాక్‌బెర్రీస్, బీన్స్ మరియు చిక్కుళ్ళల్లో ఫైబర్‌ ఎక్కువగా ఉంటుంది. ఫైబర్ సప్లిమెంట్ తీసుకోవడం లేదా ప్రాసెస్ చేసిన ఆహారాన్ని అదనపు ఫైబర్‌తో తినడం కంటే సహజమైన ఆహారం ద్వారా ఫైబర్ తీసుకోవడం చాలా మంచిది.

బ్లడ్ షుగర్ లెవెల్స్ బాలన్స్..

ఇంటర్నేషనల్ డయాబెటిస్ ఫెడరేషన్ ప్రకారం, ప్రపంచవ్యాప్తంగా 400 మిలియన్లకు పైగా ప్రజలు డయాబెటిస్ కలిగి ఉన్నారు. రాబోయే 25 సంవత్సరాలలో ఆ సంఖ్య 600 మిలియన్లకు పెరుగుతుందని అంచనా. ఫైబర్ మొక్కలు మరియు ప్రాసెస్ చేయని జంతువుల ఆహారాలు తినడం వల్ల డయాబెటిస్, ప్రీ డయాబెటిస్ ఉన్నవారి రక్తంలో చక్కెర స్థాయిలను తగ్గించవచ్చు. 12 వారాలు జరిగిన అధ్యయనంలో, డయాబెటిస్ లేదా ప్రీ డయాబెటిస్ ఉన్నవారు తాజా మాంసం, చేపలు, పండ్లు, కూరగాయలు, గుడ్లు మరియు గింజలను ఆహారంగా తీసుకున్నారు. అప్పుడు వారి రక్తంలో చక్కెర స్థాయిలలో 26% తగ్గింపును నిపుణులు గుర్తించారు.

చర్మానికి మంచిది..

సహజమైన ఆహారం తినడం వల్ల మొత్తం ఆరోగ్యం మెరుగుపడటమే కాకుండా ఇది మీ చర్మాన్ని కాపాడుతుంది. ఉదాహరణకు, డార్క్ చాక్లెట్ మరియు అవోకాడోలు చర్మాన్ని ఎండ వల్ల దెబ్బతినకుండా కాపాడతాయని రుజువైంది. ఎక్కువ కూరగాయలు, చేపలు, బీన్స్ మరియు ఆలివ్ నూనె తినడం వల్ల ముడతలు, వయస్సు సంబంధిత చర్మ మార్పులు తగ్గించవచ్చని అధ్యయనాలు సూచిస్తున్నాయి. మొటిమలను తగ్గించడానికి కూడా సహజమైన ఆహారం ఉపయోగపడుతుంది.

Also Read : పిల్లలు పడుకునే ముందు పాలు తాగిస్తున్నారా.. అయితే మీకోసమే..

తక్కువ ట్రైగ్లిజరైడ్స్..

రక్తంలో ట్రైగ్లిజరైడ్ స్థాయిలు మనం తినే ఆహారం పై ఆధారపడి ఉంటాయి.

మీరు చక్కెర, ప్రాసెస్ చేసిన ఆహారాలు తినడం వల్ల రక్తంలో ట్రైగ్లిజరైడ్స్ పెరుగుతాయి. కాబట్టి, ఈ ఆహారాలను తగ్గించడం, పూర్తిగా మానేయడం మంచిది. ఫాటీ ఫిష్, మాంసం, కూరగాయలు, నట్స్ వంటి ప్రాసెస్ చేయని ఆహారాలు ట్రైగ్లిజరైడ్ స్థాయిలను గణనీయంగా తగ్గిస్తుందని తేలింది.

వెరైటీ ఫుడ్స్..

ఒకే ఆహారాన్ని పదే పదే తినడం బోర్ కొడుతుంది. కొత్త ఆహారాన్ని మీ ఆహారంలో చేర్చడం మంచిది. సహజమైన ఆహారంలో మాంసం, చేపలు, పాడి, కూరగాయలు, పండ్లు, కాయలు, చిక్కుళ్ళు, తృణధాన్యాలు మరియు విత్తనాలతో సహా వందలాది రకాలు ఉన్నాయి. వాటిల్లో ఏవైనా తినొచ్చు. కొత్త ఆహారాన్ని క్రమం తప్పకుండా ప్రయత్నించండి. కొన్ని ముఖ్యమైనవి చయోట్ స్క్వాష్, చియా విత్తనాలు, మాంసాలు, కేఫీర్ మరియు క్వినోవా ఉన్నాయి.

beautiful-woman-fresh-salad-in-the-kitchen-picture-id1095830250

ఖర్చు తక్కువ..

ప్రాసెస్ చేసిన ఆహారం కంటే సహజమైన ఆహారం ఖరీదైనది. కొన్ని మార్గాల్లో, ఇది నిజం. 10 దేశాలలో చేసిన 27 అధ్యయనాల యొక్క విశ్లేషణలో 2000 కేలరీలు కలిగివున్నా సహజమైన ఆహారానికి తినడానికి అయ్యే ఖర్చు, ప్రాసెస్ చేసిన ఆహారం యొక్క ఖర్చు కంటే ఎక్కువ అని తేలింది. అయినప్పటికీ, మధుమేహం మరియు ఊబకాయం వంటి దీర్ఘకాలిక వ్యాధులకి పెట్టె ఖర్చుతో పోలిస్తే సహజమైన ఆహారానికి అయ్యే ఖర్చు చాలా తక్కువ.

ఒక అధ్యయనం ప్రకారం, డయాబెటిస్ ఉన్నవారు, డయాబెటిస్ లేనివారి కంటే ఆరోగ్య సంరక్షణ కోసం 2.3 రెట్లు ఎక్కువ ఖర్చు చేస్తారు. అందువల్ల, దీర్ఘకాలంలో సహజమైన ఆహార ఖర్చులు తక్కువగా ఉంటాయి, ఎందుకంటే ఇది మిమ్మల్ని ఆరోగ్యంగా ఉంచుతుంది, మీ వైద్య ఖర్చులను తగ్గిస్తుంది.

పర్యావరణానికి మంచిది..

ప్రపంచ జనాభా క్రమంగా పెరుగుతోంది. ఈ పెరుగుదలతో ఆహారానికి డిమాండ్ పెరిగింది. ఏదేమైనా, బిలియన్ల మందికి ఆహారాన్ని ఉత్పత్తి చేయడం పర్యావరణ నష్టాన్ని కలిగిస్తుంది. వ్యవసాయ భూముల కోసం అరణ్యాలు నాశనం చేయడం, పెరిగిన ఇంధన అవసరాలు, పురుగుమందుల వాడకం మరియు గ్రీన్ హౌస్ వాయువులు దీనికి కారణం. సహజమైన ఆహారంతో సహజ సిద్దమైన వ్యవసాయాన్ని అభివృద్ధి చేయొచ్చు. దాని వల్ల శక్తి అవసరాలను తగ్గించడం ద్వారా మరియు మానవులు ఉత్పత్తి చేసే బయోడిగ్రేడబుల్ వ్యర్థాల పరిమాణాన్ని తగ్గించడం ద్వారా పర్యావరణాన్ని కాపాడుకోవచ్చు.

ఆరోగ్యకరమైన కొవ్వులు..

కూరగాయల నూనెలు, స్ప్రెడ్స్‌లో కనిపించే ట్రాన్స్ మరియు ప్రాసెస్డ్ కొవ్వుల లాగా కాకుండా, సహజంగా లభించే కొవ్వులు చాలా ఆరోగ్యంగా ఉంటాయి. ఉదాహరణకు, అదనపు వర్జిన్ ఆలివ్ ఆయిల్ ఒలేయిక్ ఆమ్లం యొక్క గొప్ప మూలం, ఇది గుండె ఆరోగ్యాన్ని మెరుగుపరిచే మోనోఅన్‌శాచురేటెడ్ కొవ్వు. కొబ్బరి నూనెలో మీడియం చైన్ ట్రైగ్లిజరైడ్స్ ఉన్నాయి, ఇవి కొవ్వు కరగడాన్ని పెంచుతాయి. బరువు తగ్గడానికి సహాయపడతాయి. లాంగ్-చైన్ ఒమేగా-3 కొవ్వు ఆమ్లాలు మంటతో పోరాడటానికి, గుండె ఆరోగ్యాన్ని కాపాడటానికి సాయపడతాయి. సాల్మన్, హెర్రింగ్, సార్డినెస్ వంటి కొవ్వు చేపలు అద్భుతమైన వనరులు. ఆరోగ్యకరమైన కొవ్వులు ఎక్కువగా ఉన్న ఇతర సహజమైన ఆహారాలలో అవోకాడోస్, నట్స్, విత్తనాలు, పాలు ఉన్నాయి.

వ్యాధులు దూరం..

సహజమైన ఆహారాన్ని మీ జీవనశైలిలో భాగం చేసుకోవడం వల్ల వ్యాధుల భారిన పడే అవకాశాలను తగ్గించుకోవచ్చు.

సహజమైన ఆహారాన్ని తీసుకోవడం వల్ల మీకు గుండె జబ్బులు, మధుమేహం మరియు జీవక్రియ సిండ్రోమ్ వంటి వ్యాధులు వచ్చే ప్రమాదాన్ని తగ్గిస్తాయి. కొన్ని పెద్ద అధ్యయనాల్లో తెలిసిందేంటంటే పండ్లు, కూరగాయలు సమాన స్థాయిలో మన ఆహారంలో ఎక్కువగా తీసుకోవడం వల్ల కాన్సర్ మరియు గుండె జబ్బులు వచ్చే అవకాశాన్ని తగ్గిస్తాయి.

Also Read : బరువు తగ్గాలనుకుంటున్నారా.. వారం రోజులు ఇది తినండి చాలు..

యాంటీ ఆక్సిడెంట్స్ అధికం..

ఫ్రీ రాడికల్స్‌ మీ శరీర కణాలను దెబ్బతీసే అస్థిర అణువులు. యాంటీఆక్సిడెంట్లు ఫ్రీ రాడికల్స్‌తో పోరాడటానికి సాయపడతాయి. అవి అన్ని సహజమైన ఆహారాలలో లభిస్తాయి, ముఖ్యంగా కూరగాయలు, పండ్లు, కాయలు, తృణధాన్యాలు మరియు చిక్కుళ్ళు వంటి మొక్కల నుండి వచ్చే ఆహారాలు. తాజా, ప్రాసెస్ చెయ్యని మాంసాహారాలు కూడా యాంటీఆక్సిడెంట్లను కలిగి ఉంటాయి. అయినప్పటికీ చాలా తక్కువ స్థాయిలో ఉంటాయి. ఉదాహరణకు, గుడ్డు సొనలో లుటిన్ మరియు జియాక్సంతిన్ లు ఉంటాయి. ఇవి కంటిశుక్లం మరియు మాక్యులర్ క్షీణత వంటి కంటి వ్యాధుల నుండి రక్షించడానికి సాయపడతాయి. గట్ హెల్త్‌కి మంచిది.. సహజమైన ఆహారాన్ని తినడం మీ గట్ మైక్రోబయోమ్‌కు మంచిది, ఇది మీ జీర్ణవ్యవస్థలో నివసించే బ్యాక్టీరియాను సూచిస్తుంది.

అతిగా ఆహారం తీసుకోకుండా..

ముఖ్యంగా అధిక బరువు ప్రాసెస్ చేసిన, ఫాస్ట్ ఫుడ్స్ ను అతిగా తింటారు. దీనికి భిన్నంగా, ప్రాసెస్ చేయబడిన ఆహారాన్ని లోడ్ చేసే చక్కెరలు మరియు రుచులను సహజమైన ఆహారం కలిగి ఉండదు. కాబట్టి అతిగా తినడం చేయవచ్చు. షుగర్ కార్వింగ్స్ దూరం.. కేక్‌లు, కుకీలు మరియు మిఠాయి వంటి స్వీట్‌లు తినాలనే కోరికలను తగ్గించడానికి సహజమైన ఆహారం సహాయపడుతుంది.

మెరుగైన దంత ఆరోగ్యం..

సహజమైన ఆహారం తీసుకోవడం వల్ల దంతాల ఆరోగ్యం మెరుగుపడుతుంది. ప్రాసెస్ చేసిన ఆహారంలో చక్కెర మరియు శుద్ధి చేసిన పిండి పదార్థాలు మీ నోటిలో నివసించే ఫలకం కలిగించే బ్యాక్టీరియాకు ఆహారం ఇవ్వడం ద్వారా దంత క్షయంను కలిగిస్తాయి. సోడాలో ఉండే చక్కెర మరియు ఆమ్లం కలయిక ముఖ్యంగా దంత క్షయం కలిగిస్తుంది.

డైటింగ్ అవసరం లేదు..

డైటింగ్ మనస్తత్వం హానికరం ఎందుకంటే ఇది మీ దృష్టిని మీ బరువు గురుంచి మాత్రమే ఆలోచించేలా పరిమితం చేస్తుంది. మీ కుటుంబం సభ్యుల ఆరోగ్యం. మీ సొంత ఆరోగ్యం మరియు శ్రేయస్సును మెరుగుపరచడంతో పాటు, సహజమైన ఆహారాన్ని తినడం మీరు కుటుంబంలోని వ్యక్తులు కూడా ఆరోగ్యంగా ఉండటానికి సహాయపడుతుంది. అదే విధంగా.. లోకల్ రైతులకు సాయం కూడా. రైతు మార్కెట్ల నుండి ఉత్పత్తులు, మాంసం, పాలు కొనడం వల్ల మీ ఏరియా లోని రైతులకు సహాయం చేసినట్టు అవుతుంది.

రుచి ఎక్కువ..

అన్నిటికంటే ముఖ్యమైనది, సహజమైన ఆహారం రుచిగా ఉంటుంది. తాజా, ప్రాసెస్ చెయ్యని ఆహారం యొక్క అద్భుతంగా ఉంటుంది.

సహజమైన ఆహారం ఆరోగ్యకరమైన జీవనశైలిలో ఒక భాగం. వర్కౌట్ చేయడం, మీ స్ట్రెస్ లెవెల్స్ ను తగ్గించుకోవడం మరియు సరైన పోషకాహారాన్ని తీసుకోవడం చాలా ముఖ్యం.



Source link

Leave a Reply

Your email address will not be published. Required fields are marked *