whatsapp charges: వాట్సాప్ వాడే వారికి షాక్.. ఇకపై ఆ సర్వీసులకు చార్జీలు చెల్లించాలి! – facebook will start charging for whatsapp business services know details


ప్రధానాంశాలు:

  • వాట్సాప్ కస్టమర్లకు ఝలక్
  • ఆ సర్వీసులకు చార్జీలు
  • త్వరలోనే అమలులోకి

సోషల్ మీడియా దిగ్గజం ఫేస్‌బుక్ కస్టమర్లకు ఝలక్ ఇచ్చేందుకు రెడీ అవుతోంది. తన ఇన్‌స్టంట్ మెసేజింగ్ యాప్ వాట్సాప్ సర్వీసులపై చార్జీలు విధించేందుకు సిద్ధమౌతోంది. అయితే ఈ చార్జీలు ప్రతి ఒక్కరికీ ఉండదు. కేవలం వాట్సాప్ బిజినెస్ సర్వీసులకు మాత్రమే చార్జీలు వర్తిస్తాయి.

కంపెనీల నుంచి బిజినెస్ చాట్ సర్వీసులకు సంబంధించి వాట్సాప్ త్వరలోనే చార్జీలు వసూలు చేయనుంది. వాట్సాప్ ఒక బ్లాగ్ పోస్ట్ ద్వారా ఈ విషయాన్ని వెల్లడించింది. వాట్సాప్ బిజినెస్‌కు ఏకంగా 5 కోట్ల మందికి పైగా యూజర్లు ఉన్నారు. ‘బిజినెస్ కస్టమర్లకు చార్జీలు వసూలు చేస్తాం. పలు సేవలకు చార్జీలు విధిస్తాం. దీని వల్ల వాట్సాప్‌కు కూడా నిధులు లభించనున్నాయి. వీటి ద్వారా కస్టమర్లకు మెరుగైన సర్వీసులు అందించేందుకు వీలవుతుంది.

Also Read: శుభవార్త.. పడిపోయిన వెండి.. దిగొచ్చిన బంగారం ధర.. ఈరోజు రేట్లు ఇవే!

వాట్సాప్ బిజినెస్ ద్వారా చిన్న, మధ్యతరహా వ్యాపారులు వాట్సాప్ ద్వారా వారి కస్టమర్లకు చాట్ సర్వీసులు అందిస్తున్నాయి. ప్రొడక్టులను నేరుగా విక్రయించే అవకాశం కల్పిస్తోంది. ఇంకా సపోర్ట్ కూడా అందిస్తోంది. ప్రస్తుతం ఈ సేవలు ఉచితంగానే లభిస్తున్నాయి. అయితే రానున్న రోజుల్లో పలు సర్వీసులకు బిజినెస్ యూజర్లు డబ్బులు చెల్లించాల్సి వస్తుంది.

కాగా ఫేస్‌బుక్‌కు చెందిన వాట్సాప్‌ ఆదాయం అర్జించడంలో తీవ్ర ఇబ్బందులు పడుతోంది. ఫేస్‌బుక్‌కు వాట్సాప్ నుంచి చెప్పుకోదగ్గ ఆదాయం లేదు. ఫేస్‌బుక్ 2014లో 16 బిలియన్ డాలర్లు చెల్లించి వాట్సాప్‌ను కొనుగోలు చేసిన విషయం తెలిసిందే. కాగా ఇకపోతే వాట్సాప్ తన కస్టమర్లకు పేమెంట్ సర్వీసులు కూడా అందుబాటులోకి తీసుకురాబోతోంది.



Source link

Leave a Reply

Your email address will not be published. Required fields are marked *