winter foods: చలికాలంలో కచ్చితంగా తినాల్సిన ఫుడ్ ఐటెమ్స్.. – foods that are super super healthy in winter know here all details


చలికాలంలో చర్మంపై దురదలు, చర్మం పొడిబారడం లాంటివి వస్తాయి. చలికాలంలో వాతావరణం చల్లగా ఉండటం వల్ల, మీ చర్మం, జుట్టును జాగ్రత్తగా చూసుకోవడం అవసరం. మాయిశ్చరైజర్, చర్మానికి మేలు చేసే నూనెలను వుపయోగించి చర్మాన్ని, జుట్టును కాపాడుకోవాలి. విటమిన్ ఇ నూనె సాధారణంగా కాస్మెటిక్ ఉత్పత్తుల్లో చర్మం పొడిబారకుండా ఉండటానికి ఉపయోగిస్తారు, కానీ ఇది సాధారణంగా ఇతర కృత్రిమ పదార్థాలు, రసాయనాలతో నిండి ఉంటుంది. చర్మానికి విటమిన్ ఇ పుష్కలంగా అందించడానికి ఉత్తమమైన మార్గం ఆహారం ద్వారా తీసుకోవడమే. విటమిన్ ఇ ఫ్రీ రాడికల్స్‌తో పోరాడే సామర్థ్యాన్ని కలిగి ఉంటుంది. చర్మం పొడిబారడం, చర్మ పగుళ్లు, కమిలిపోవడం, మచ్చల వంటి సాధారణ చర్మ సమస్యలు, వృద్ధాప్య సంబంధిత లక్షణాల నుండి చర్మాన్ని రక్షిస్తుంది. విటమిన్ ఇ శరీరం గుండా ప్రయాణించేటప్పుడు ఫ్రీ రాడికల్స్ ను నియంత్రిస్తుంది. తగినంత పరిమాణంలో విటమిన్ ఇ తీసుకోవడం వల్ల ఆక్సిడేటివ్ స్ట్రెస్ ను నివారిస్తుంది. దీంతో పాటు రోగనిరోధక శక్తిని పెంచడంతో పాటు మన చర్మం, జుట్టును మెరుగుపరచడంలో సాయపడుతుంది అని వైద్య నిపుణులు చెబుతున్నారు. చర్మానికి మేలు చేసే ఆహారంతో మీరు మీ రోజువారీ చర్మ సంరక్షణ విధానాల్లో పద్ధతులను ప్రారంభించండి.

విటమిన్ ఇ ఉండే పదార్ధాలు:

బాదం
రాత్రిపూట 5 బాదంపప్పులను నానబెట్టి, తరువాతి రోజు ఉదయాన్నే వాటిపై ఉన్న తొక్కను తీసి తినాలి. మీరు మీ మార్నింగ్ టీతో పాటు బాదంపప్పులను తినొచ్చు లేదా వాటిని మీరు మీ బ్రేక్‌ఫాస్ట్‌తోనూ తినొచ్చు. బాదంపప్పులో విటమిన్-ఇ పుష్కలంగా ఉంటుంది. దీన్ని ప్రతిరోజూ ముఖానికి రాసుకోవడం వల్ల మన చర్మానికి మంచి పోషణను ఇస్తుంది. మృదువుగా చేస్తుంది. చర్మానికి సూర్యరశ్మి వల్ల కలిగే నష్టం నుండి చర్మాన్ని రక్షించడం కోసం బాదంనూనె, బాదం పాలను అప్లై చేయొచ్చు.

Also Read : డెలివరీ తర్వాత ఈ టిప్స్ పాటిస్తే బరువు అస్సలు పెరగరట..

బచ్చలికూర

ఉదయం భోజనంలో ఈ బచ్చలికూరతో ఎన్నో వంటలు చేయొచ్చు. ఉడికించిన, తరిగిన బచ్చలికూరను గుడ్డులో కలిపి ఆమ్లెట్ వేయొచ్చు. శాండ్‌విచ్ లో స్టఫింగ్ లో బచ్చలికూర, పన్నీర్‌ని వాడొచ్చు. అర కప్పు బచ్చలికూరలో మీకు ఒక రోజుకు కావాల్సినంత విటమిన్ ఇ 16 శాతం లభిస్తుంది. మీరు బచ్చలికూరను విడిగా తినొచ్చు, సలాడ్స్‌లో కలుపుకుని తినొచ్చు.

అవకాడో

ఈ మధ్య కాలంలో ఈ రుచికరమైన అవకాడోని బ్రేక్ ఫాస్ట్‌లో ఎక్కువగా వాడుతున్నారు. అవకాడో టోస్ట్ తినొచ్చు, కూరగాయ ముక్కలు, గుడ్లు, మీట్ ఇతర పదార్ధాలతో కలిపి తరిగిన అవకాడోను బ్రెడ్ పైన వేసి తినొచ్చు. అవోకాడో వాడటానికి మరో మార్గం ఏంటంటే, మీ భోజనంలో అవకాడోను చేర్చుకోవడం. అవకాడో యొక్క క్రీమీ టెక్స్చర్ బ్రేక్‌ఫాస్ట్‌కి బెస్ట్ ఆప్షన్..

Also Read : ఎగ్స్‌ని ఈ నూనెతో కలిపి తింటే బరువు తగ్గుతారట..?

పొద్దుతిరుగుడు విత్తనాలు

ఈ చిన్న విత్తనాల్లో విటమిన్ ఇ కంటెంట్ అధికంగా ఉంటుంది. మీరు ఉదయం తాగే టీతో కలిపి కాల్చిన పొద్దుతిరుగుడు విత్తనాలు తీసుకుంటే మంచి బ్రేక్ ఫాస్ట్ అవుతుంది. లేదా మీరు ఓట్ మీల్, సెరెల్, పాన్ కేక్స్, ఇతర ఆహార పదార్ధాలపై పొద్దుతిరుగుడు విత్తనాలని చల్లి తినొచ్చు.

వేరుశెనగలు

బ్రెడ్ పై పీనట్ బటర్ రాసి తినొచ్చు. ఉదయాన్నే వేరుశెనగను తినడానికి ఇతర మార్గాలు వేరుశనగ గుళ్లను ఉప్మా, పోహాలో చేర్చడం, ఇతర ఆహార పదార్ధాలతో షేక్స్, స్మూతీస్ చేసేటపుడు వేరుశనగ గుళ్లను కలపడం.

Also Read : వీరికే ఎక్కువగా గుండె కొట్టుకోవడం సడెన్‌గా ఆగిపోతుందట..

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *