Woman out from grave: సమాధి నుంచి లేచివచ్చిన మహిళ, నేరుగా పోలీస్ స్టేషన్‌కు వెళ్లి.. – woman digs herself out of grave after being beaten and buried alive by drunk brothers


మహిళ సమాధి నుంచి బయటకు వచ్చింది. అనంతరం పోలీస్ స్టేషన్‌కు వెళ్లింది. శరీరం నిండా బలమైన గాయాలతో మాట్లాడలేని స్థితిలో ఉన్న ఆమెను పోలీసులు హాస్పిటల్‌కు తరలించారు. అనంతరం ఆమె నుంచి వివరాలు సేకరించారు. ఆమె ఎదుర్కొన్న ఆ భయానక పరిస్థతి తెలుసుకొని పోలీసులు సైతం షాకయ్యారు. వెంటనే ఆమె సోదరుల కోసం గాలింపులు చేపట్టారు.

ఉక్రేయిన్‌లోని మర్యాంస్కే గ్రామానికి చెందిన 57 ఏళ్ల నినా రుడ్చెన్కో ఇంట్లో ఒంటరిగా నివసిస్తోంది. వరసకు సోదరులైన 27, 30 ఏళ్ల వయస్సు గల ఇద్దరు వ్యక్తులు పక్కింట్లోనే నివసిస్తున్నారు. ఇటీవల మద్యం మత్తులో నినా ఇంటికి వచ్చిన ఆ ఇద్దరు బేస్‌బాల్ బ్యాట్‌తో ఆమెను చితకబాదారు. స్పృహ కోల్పోయిన ఆమెను లాక్కుంటూ స్మశానానికి తీసుకెళ్లారు.

అనంతరం ఆమె స్పృహలోకి వచ్చేవరకు ముఖం మీద నీళ్లు చల్లుతూనే ఉన్నారు. కళ్లు తెరిచిన తర్వాత నీనాను స్మశానంలో తన గొయ్యి తానే తవ్వుకోవాలని బలవంతం చేశారు. ఆ గోతిలో నినాను తోసేసిన ఆ ఇద్దరూ.. మట్టితో పూడ్చిపెట్టారు. ఆమె చనిపోయి ఉంటుందని భావించి వెళ్లిపోయారు. ప్రాణాలతో ఉన్న ఆమె సమాధిని తొలుచుకుంటూ బయటకు వచ్చింది. ఆమె సోదరి ఇంటి బయట సొమ్మసిల్లి పడిపోయింది.

Also Read: ప్రియుడితో సెక్స్ చేస్తూ వీడియో.. మంచిపని కోసం చిక్కుల్లో పడ్డ లేడీ రిపోర్టర్!

ఈ ఘటనపై నీనా స్పందిస్తూ.. ‘‘నా సమాధిని నాతోనే తవ్వించారు. నా కుటుంబం మొత్తాన్ని చంపేస్తానని బెదిరించారు. నన్ను గోతిలోకి తోసిన తర్వాత నా ముఖాన్ని చేతులతో అడ్డుపెట్టుకుని ఊపిరి తీసుకోడానికి వీలుగా కొంత ఖాళీని ఏర్పాటు చేసుకున్నా. దాని వల్ల నేను ప్రాణాలతో ఉండగలిగాను’’ అని తెలిపింది. ఈ ఘటనపై కేసు నమోదు చేసుకున్న పోలీసులు నిందితుల కోసం గాలిస్తున్నారు.



Source link

Leave a Reply

Your email address will not be published. Required fields are marked *