Work from home: జూలై 31 వరకు వర్క్ ఫ్రం హోమ్.. నిబంధనలు సడలించిన కేంద్రం! – vpn norms relaxed for it industry till july 31


ప్రధానాంశాలు:

  • వీపీఎన్ కనెక్టివిటీ నిబంధనల సడలింపు
  • దీంతో ఐటీ, బీపీవో కంపెనీలకు ఇది వర్తింపు
  • వీటిల్లో పనిచేసే ఉద్యోగులు జూలై 31 వరకు ఇంటి వద్ద నుంచే పనిచేసే అవకాశం

కరోనా వైరస్ ఇప్పటికీ కూడా శరవేగంగానే విస్తరిస్తూ వస్తోంది. దీంతో కేంద్ర ప్రభుత్వం లాక్‌ డౌన్‌ను పొడిగించింది. అయితే మే 3 తర్వాత లాక్ డౌన్ కొనసాగుతుందా? లేదా? అంశంపై ఇంకా స్పష్టత రావాల్సి ఉంది. ఇలాంటి నేపథ్యంలో కేంద్ర ప్రభుత్వం కీలక నిర్ణయం తీసుకుంది. వర్చువల్ ప్రైవేట్ నెట్‌వర్క్స్ (వీపీఎన్) కనెక్టివిటీ నిబంధనలను సరళీకరించింది.

ఐటీ, బీపీవో కంపెనీలకు జూలై 31 వరకు వర్క్ ఫ్రం హోమ్ చేసుకునే వెసులుబాటు లభించనుంది. ఐటీ, బీపీవో కంపెనీల నిర్ణయంపై ఇది ఆధారపడి ఉంటుంది. ఐటీ, బీపీవో సంస్థలు వారి ఉద్యోగులను క్రమంగా, దశల వారీగా మళ్లీ విధుల్లోకి తీసుకునేలా ఉండేందుకు వీపీఎన్ కనెక్టివిటీ నిబంధలను కేంద్రం సడలించిందని పరిశ్రమ సమాఖ్య నాస్కామ్ తెలిపింది.

Also Read: గుడ్ న్యూస్.. దిగొచ్చిన బంగారం ధర.. వెండి పతనం!

ఇతర దేశాల నుంచి ప్రత్యేకించి చైనా నుంచి భారత్‌కు వచ్చే దిగుమతులకు కఠినమైన సెక్యూరిటీ ఆడిట్, వెరిఫికేషన్ ఉంటుందని ఐటీ, టెలికం మంత్రి రవి శంకర్ ప్రసాద్ తెలిపారు. తాము ఏ దేశానికి వ్యతిరేకం కదని, భారత్‌కు మాత్రమే అనుకూలమని పేర్కొన్నారు.

ఇకపోతే భారత్‌లో కరోనా వైరస్ ఇంకా విస్తరిస్తూనే ఉంది. ఆప్పటికే కోవిడ్ 19 బారినపడ్డ వారి సంఖ్య 31 వేల మార్క్ పైకి చేరింది. ఈ కరోనా వైరస్ వల్ల 1000 మందికి పైగా మరణించారు. ఇకపోతే అంతర్జాతీయంగా చూస్తే.. కరోనా వైరస్ కేసులు 31 లక్షలు దాటాయి. 2 లక్షల మందికి పైగా మరణించారు.



Source link

Leave a Reply

Your email address will not be published. Required fields are marked *