World Health Organisation: డొనాల్డ్ ట్రంప్ సంచలనం.. డబ్ల్యూహెచ్ఓకు బిగ్ షాక్ – donald trump says us terminating relationship with world health organisation


మెరికా అధ్యక్షుడు డొనాల్డ్ ట్రంప్ సంచలన నిర్ణయం తీసుకున్నారు. ప్రపంచ ఆరోగ్య సంస్థ (డబ్ల్యూహెచ్‌ఓ) నుంచి యూఎస్ వైదొలగనున్నట్లు ప్రకటించారు. కరోనా వైరస్ వ్యాప్తి ప్రారంభమైన తొలి రోజుల్లో డబ్ల్యూహెచ్‌ఓ సరైన హెచ్చరికలు చేయలేదని మండిపడ్డారు. కీలక సమయంలో సరైన పనితీరు కనబరచని కారణంగా సంస్థ నుంచి యూఎస్ వైదొలగడానికి నిర్ణయం తీసుకున్నట్లు ట్రంప్ ప్రకటించారని యూఎస్‌కు చెందిన ఓ న్యూస్ ఏజెన్సీ శుక్రవారం (మే 29) పేర్కొంది.

గత కొన్ని రోజులుగా డబ్ల్యూహెచ్‌ఓతో అమెరికాకు ఘర్షణ వాతావరణం నెలకొన్న విషయం తెలిసిందే. డబ్ల్యూహెచ్‌వో చైనాకు తొత్తుగా వ్యవహరిస్తోందని డొనాల్డ్ ట్రంప్ ఆగ్రహం వ్యక్తం చేశారు. సంస్థకు యూఎస్ నుంచి ఫండ్స్ నిలిపివేస్తూ సంచలన నిర్ణయం తీసుకున్నారు. ట్రంప్ వ్యాఖ్యలను డబ్ల్యూహెచ్‌ఓ ఖండించింది. అగ్ర రాజ్యాధినేత చర్యలు చర్చనీయాంశమైన వేళ మరోసారి షాకింగ్ నిర్ణయం తీసుకున్నారు.

ఐక్యరాజ్య సమితికి చెందిన కీలక విభాగం డబ్ల్యూహెచ్‌ఓ నుంచి అమెరికా వైదొలగడం ఆ సంస్థపై తీవ్ర ప్రభావం చూపుతుంది. యూఎన్ఓ ఏర్పాటు నుంచి నేటి వరకు అమెరికా పెద్దన్న పాత్రలో కీలక పాత్ర పోషించింది. అలాంటి అగ్రరాజ్యమే వైదొలిగితే.. పరిస్థితి ఏంటనేది ఆసక్తికర చర్చకు తావిస్తోంది.

Also Read:ఢిల్లీ: గంటలో రెండుసార్లు భూకంపం.. ఏదో జరుగుతోంది!

Must Read:కరోనా శాంపిల్స్ ఎత్తుకెళ్లిన కోతి.. స్థానికుల్లో భయం!



Source link

Leave a Reply

Your email address will not be published. Required fields are marked *