world hypertention day: బీపీ ఉన్నవారు స్వీట్స్ తినొచ్చా.. – what is the main cause of hypertension know here symptoms and diet details


హైబీపీ ఉందని కూడా చాలామందికి తెలియకపోవచ్చు. కానీ, ఎలాంటి లక్షణాలు బయటికి కనపడకపోయినా కూడా హైబీపీ మెదడుకీ, గుండెకీ, కళ్ళకీ, కిడ్నీలకీ హాని చేస్తుంది.

హైబీపీ లక్షణాలు

హైబీపీ సైలెంట్ ప్రాబ్లం. ఈ కండిషన్ సివియర్ అయితే తప్ప లక్షణాలు బయటపడవు. అవి:
– తలనొప్పి
– ఆయాసం
– నోస్ బ్లీడ్
– కళ్ళు తిరగడం
– చాతీలో నొప్పి
– కళ్ళు మసక బారడం
– యూరిన్ లో బ్లడ్

ఈ లక్షణాలు ఉంటే వెంటనే డాక్టర్ ని సంప్రదించాలి. రెగ్యూలర్ గా బీపీ చెక్ చేయించుకోడమే. ఈ సమస్య ఉందో లేదో తెలుసుకునే మార్గం. మీ కుటుంబం లో ఎవరికైనా హైబీపీ, గుండె జబ్బుల చరిత్ర ఉంటే మీరు తప్పనిసరిగా బీపీ రెగ్యులర్ గా చెక్ చేయించుకుంటూ ఉండాలి.

Also Read : బొప్పాయి పండు గింజలు తింటే బరువు తగ్గుతారా..

హైపర్ టెన్షన్ ఎందుకొస్తుంది?

హైపర్టెన్షన్ రెండురకాలు. రెండింటికీ వేర్వేరు కారణాలున్నాయి.

1. ప్రైమరీ హైపర్ టెన్షన్

ఇది వారసత్వంగా వస్తుంది
అనారోగ్యకరమైన జీవనశైలి వలన వస్తుంది.

2. సెకండరీ హైపర్ టెన్షన్

కిడ్నీ ప్రాబ్లమ్స్, థైరాయిడ్ ప్రాబ్లమ్స్, వాడుతున్న మందుల సైడ్ ఎఫెక్ట్స్, మద్యం సేవించటం….వంటి అనేక కారణాల వల్ల సెకండరీ హైపర్ టెన్షన్ వస్తుంది.

Also Read : ఉపవాసాల్లో ఖర్జూరాన్ని ఎందుకు తింటారంటే..

ట్రీట్‌మెంట్

ప్రైమరీ హైపర్ టెన్షన్ జీవనశైలి లో మార్పుల ద్వారా కంట్రోల్లో ఉంటుంది. సెకండరీ హైపర్ టెన్షన్ కారణాలని బట్టి మెడికేషన్ ఉంటుంది. సెకండరీ హైపర్ టెన్షన్ ట్రీట్‌మెంట్ లో కూడా జీవనశైలి మార్పులు తప్పనిసరి.

హైబీపీ వల్ల వచ్చే ప్రాబ్లమ్స్ ఏంటి?

హైబీపీ తొందరగా బయటపడదు కాబట్టి, దాని వల్ల జరిగే హాని ముందుగా తెలియదు. హైబీపీ వల్ల వచ్చే సమస్యల్లో ఇవి కొన్ని:

1. డామేజ్డ్ ఆర్టరీస్

హెల్దీ ఆర్టరీస్ ఫ్లెక్సిబులగా బలంగా ఉంటాయి. అందులోంచి రక్తప్రసరణ సులభంగా జరిగిపోతుంది. హైబీపీ వల్ల ఈ ఆర్టరీస్ ఫ్లెక్సిబిలిటీ ని కోల్పోతాయి. దీనివల్ల ఆహారంలోని కొవ్వు పదార్ధాలు అక్కడ ఉండిపోయి రక్తప్రసరణను అడ్డుకుంటాయి. దీని వల్ల రక్తనాళాలు పూడుకుపోడం, హార్ట్ ఎటాక్, స్ట్రోక్ వంటివి వచ్చే అవకాశాలు పెరుగుతాయి.

2. డామేజ్డ్ హార్ట్

హైపర్ టెన్షన్ వల్ల గుండెకి పని పెరిగిపోతుంది. రక్తనాళాల్లో పెరిగిన ప్రెజర్ వల్ల గుండె ఎక్కువ రక్తాన్ని ఎక్కువ ఫోర్స్ తో

పంప్ చేయాల్సి వస్తుంది. దీనివల్ల హార్ట్ ఎన్లార్జ్ అయ్యే ఛాన్స్ పెరుగుతుంది. ఎన్లార్జ్డ్ హార్ట్ వల్ల హార్ట్ ఫెయిల్యూర్, హార్ట్ ఎటాక్, కార్డియాక్ డెత్ వంటివి సంభవిస్తాయి.

3. డామేజ్డ్ బ్రెయిన్

మనిషి మెదడు హెల్దీ బ్లడ్ యొక్క రెగ్యులర్ సప్లై మీద ఆధారపడుతుంది. హైబీపీ వల్ల మెదడుకి అందే బ్లడ్ సప్లై తగ్గుతుంది. దాని వల్ల జ్ఞాపకశక్తి, నేర్చుకునే శక్తి, మాట్లాడడం, లాజికల్ గా ఉండడం వంటివి తగ్గుతాయి. హైపర్ టెన్షన్ ట్రీట్మెంట్ వల్ల జరిగిన నష్టాన్ని పూడ్చలేం. కేవలం ఫ్యూచర్ ప్రాబ్లమ్స్ రాకుండా చేయగలమంతే.

లైఫ్ స్టైల్ ఛేంజెస్

కొన్ని లైఫ్ స్టైల్ ఛేంజెస్ ద్వారా అసలు హైబీపీ రాకుండా చూసుకోవచ్చు. ఒకవేళ ఆల్రెడీ ఉంటే తగ్గించుకోవచ్చు.

1. హెల్దీ డైట్ – ఆహారంలో పళ్ళు, కూరలు, లీన్ ప్రొటీన్స్, హోల్ గ్రైన్స్ తీసుకోవడం;
2. వ్యాయామం – వారంలో కనీసం ఐదురోజులు అరగంట పాటూ వ్యాయమం చెయ్యడం తప్పనిసరి.
3. స్ట్రెస్ మానేజ్మెంట్ – మెడిటేషన్, యోగా వంటి వాటి ద్వారా ఒత్తిడి తగ్గించుకోవడం
4. వ్యసనాలకి బై – స్మోకింగ్, ఆల్కహాల్ సేవించడం… లాంటివాటికి బై చెప్పెయ్యడం.

హైబీపీ ఉన్నవారు తీసుకోవాల్సిన ఆహారం

హైపర్ టెన్షన్ ని కంట్రొల్ లో పెట్టుకుని కాంప్లికేషన్స్ మారాకుండా చూసుకోవడంలో ఆహారం ప్రధాన పాత్ర పోషిస్తుంది. హైబీపీ ఉన్నవారు ఆహారంలో చేసుకోవాల్సిన కొన్ని మార్పులు:

1. శాకాహారం తీసుకోవడం

పాలూ, పాల పదార్ధాలు, మాంసాహారం తగ్గించి శాకాహారం తీసుకోవడం వల్ల ట్రాన్స్ ఫాట్స్ బదులు పీచుపదార్ధం ఎక్కువ వెళ్తుంది. పళ్ళూ, కూరగాయలూ, ఆకుకూరలూ ఎక్కువ తీసుకోడం మంచిది. రెడ్ మీట్ బదులు చికెన్, ఫిష్ లాంటి లీన్ ప్రొటీన్స్ తీసుకుంటే బాగుంటుంది.

2. ఉప్పు తగ్గించండి

హైబీపీ ఉండి గుండెజబ్బులు వచ్చే రిస్క్ ఎక్కువగా ఉన్నవారు ఉప్పు బాగా తగ్గించాలి. రోజుకి 1500 – 2300 మిల్లీగ్రాముల మధ్యలోనే ఉప్పు తీసుకోవాలి. దీనికి చక్కటి సూత్రం పాకేజ్డ్ ఫుడ్స్, రెస్టారెంట్ ఫుడ్స్ తగ్గించి ఇంట్లోనే ఎప్పటికప్పుడు ఫ్రెష్ గా వండుకోవడం.

3. షుగర్ తగ్గించండి

స్వీట్స్, బెవెరేజస్ లో పోషకాలేమీ ఉండవు. మీకు స్వీట్స్ తినాలనిపిస్తే తాజా పళ్ళు గానీ, డార్క్ చాక్లేట్ గానీ తినండి. డార్క్ చాక్లేట్ బ్లెడ్ ప్రెజర్ ని తగ్గిస్తుంది అని కూడా అంటారు.

Also Read : వెల్లుల్లి యోని ఇన్ఫెక్షన్‌ని తగ్గిస్తుందా..

ప్రెగ్నెన్సీ టైం లో హైబీపీ ఉంటే?

తల్లికి హైబీపీ ఉన్నా కూడా పిల్లలు ఆరోగ్యంగానే పుడతారు. కానీ, బీపీ రెగ్యులర్ గా మానిటర్ చెయ్యకపోతే మాత్రం తల్లికీ, బిడ్డకీ కూడా అది ప్రమాదమే.

ఒక్కొక్కసారి ప్రిమెచ్యూర్ డెలివరీ అయ్యే అవకాశముంటుంది. లేదా, బరువు తక్కువగా పుట్టే అవకాశముంటుంది. బీపీ రి రెగ్యులర్ గా మానిటర్ చేసుకుంటూ, తగిన మందులు తీసుకుంటూ ఉండకపోతే గర్భిణీలు మూర్ఛ వ్యాధి బారినపడే ఛాన్స్ ఉంది. హైబీపీ ఉన్న ప్రెగ్నెంట్ వుమన్ తప్పనిసరిగా డాక్టర్ ని సంప్రదిస్తూ, వారి పర్యవేక్షణలో ఉండటం మంచిది.

హైబీపీ వచ్చే రిస్క్ మీకుంటే తీసుకోవాల్సిన జాగ్రత్తలు

1. ఆరోగ్యకరమైన ఆహారం తీసుకోవడం
2. మాంసాహారం తక్కువా, శాకాహారం ఎక్కువా ఉండేలా చూసుకోవడం
3. ఫ్లేవర్డ్ యోగర్ట్స్, సిరియల్స్, సోడా తగ్గించడం
4. బరువు తగ్గాలి అనుకోడం కాకుండా ఈ టైం కి ఇంత తగ్గాలి అని ప్లాన్ చేసుకుని డాక్టర్ సలహాతో ఆ గోల్ రీచ్ అవ్వడం
5. రెగ్యులర్ గా బీపీ చెక్ చేసుకోవడం

బీపీ రెగ్యులర్ గా చెక్ చేయించుకోండి. ఆరోగ్యంగా ఉండండి.



Source link

Leave a Reply

Your email address will not be published. Required fields are marked *