youngest covid 19 victim in hyderabad: హైదరాబాద్‌లో విషాదం.. కరోనాతో ఏడు రోజుల పసికందు మృతి.. తల్లికి నెగటివ్! – covid-19 in telangana: 7-day-old baby dies in hyderabad


హైదరాబాద్‌లో విషాదం చోటు చేసుకుంది. కరోనా వైరస్ మహమ్మారి ముక్కుపచ్చలారని ఏడు రోజుల వయసున్న నవజాత శిశువును బలి తీసుకుంది. మూడు రోజుల క్రితం పసికందులో కరోనా లక్షణాలు కనిపించగా.. సోమవారం రాత్రి ప్రాణాలు విడిచింది. మరణించిన తర్వాత కరోనా పరీక్షలు చేయగా.. ఆ పాపకు కోవిడ్ పాజిటివ్ అని నిర్ధారణ అయ్యింది. నిలోఫర్ హాస్పిటల్‌లో ఆ చిన్నారి జన్మించగా.. అనారోగ్యంగా ఉండటంతో… కుటుంబ సభ్యులు కుత్బుల్లాపూర్ తీసుకెళ్లారు.

ప్రసవానికి ముందు ఆ పసికందు తల్లికి కరోనా టెస్టు చేయగా నెగటివ్ అని రిపోర్ట్ వచ్చింది. కుటుంబ సభ్యులెవరికీ కరోనా లక్షణాలు లేవు. దీంతో హాస్పిటల్‌లోనే ఆ చిన్నారికి ఇన్ఫెక్షన్ సోకి ఉంటుందని భావిస్తున్నారు.

ఆ చిన్నారి కుటుంబం ఉండే ప్రాంతాన్ని కంటైన్మెంట్ జోన్‌గా ప్రకటించారు. గత కొద్ది రోజులు ప్రజలు ఎక్కువగా రాకపోకలు సాగిస్తున్నారని.. అదే సమయంలో కోవిడ్ కేసులు కూడా పెరుగుతున్నాయని ఆరోగ్య శాఖ తెలిపింది. వైరస్ వ్యాప్తిని కట్టడి చేయడం కోసం తగిన జాగ్రత్తలు తీసుకోవాల్సిన అవసరం ఉందని అధికారులు సూచిస్తున్నారు.

రాష్ట్రంలో మొత్తం కోవిడ్ బాధితుల సంఖ్య 2 వేలకు చేరువలో ఉండగా.. 1284 మంది ఇన్ఫెక్షన్ నుంచి కోలుకున్నారు. ప్రస్తుతం రాష్ట్రంలో 650 యాక్టివ్ కేసులు ఉన్నాయి. మంగళవారం రాష్ట్రంలో 71 కరోనా కేసులను గుర్తించారు.

Read Also: హైదరాబాద్‌లో కొత్త ప్రాంతాలకు కరోనా విస్తరణ, సామూహిక వ్యాప్తిపై అనుమానాలు



Source link

Leave a Reply

Your email address will not be published. Required fields are marked *