YS Jagan: ఎక్కడి వారు అక్కడే, వారికి మాత్రమే ఏపీలోకి అనుమతి.. సీఎం జగన్ కీలక ఆదేశాలు – cm jagan review meeting on migrant workers who came from other states


కేంద్ర హోం శాఖ మార్గదర్శకాల ప్రకారం వలస కూలీలకు మాత్రమే రాష్ట్రంలోకి అనుమతి ఇవ్వాలని ఏపీ ప్రభుత్వం నిర్ణయించింది. ఇతర రాష్ట్రాల చిక్కుకుపోయిన వేల సంఖ్యలో ఉన్న వలస కూలీలను ప్రభుత్వమే తీసుకొచ్చి క్వారంటైన్‌లో ఉంచి సదుపాయాలు కల్పిస్తున్నామని ముఖ్యమంత్రి వైఎస్ జగన్మోహన్‌రెడ్డి వెల్లడించారు. కరోనా వైరస్‌ నియంత్రణ చర్యలపై ఆదివారం ముఖ్యమంత్రి వైఎస్‌ జగన్‌మోహన్‌రెడ్డి సమీక్ష నిర్వహించారు. ఈ సందర్భంగా పొరుగు రాష్ట్రాలలో ఉన్న ఏపీ ప్రజల పరిస్థితిపై చర్చించారు.

కరోనా దృష్ట్యా ప్రస్తుత పరిస్థితుల్లో ఎక్కడి వారు అక్కడే ఉండటం శ్రేయస్కరమని సీఎం జగన్ పేర్కొన్నారు. అయితే వలస కూలీలకు మాత్రం రాష్ట్రంలోకి ప్రవేశం ఉందని, మిగిలిన వ్యక్తులు ఎక్కడివారు అక్కడే ఉండాలని జగన్ విజ్ఞప్తి చేశారు. కోవిడ్‌-19పై చేస్తున్న పోరాటంలో ప్రజలు చూపుతున్న స్ఫూర్తి ప్రశంసనీయమని, ఇలాగే ప్రభుత్వం ఇస్తున్న సూచనలను ఎప్పటికప్పుడు పాటిస్తూ కరోనా కట్టడికి సహకరించాలని కోరారు.

ప్రయాణాల వల్ల వైరస్ వ్యాప్తి చెందే అవకాశాలు ఎక్కువగా ఉంటాయని.. ప్రభుత్వ సూచనలను ప్రజలంతా పాటించాలని సీఎం జగన్ కోరారు. సరిహద్దుల వద్దకు వచ్చి ఎవరూ ఇబ్బందులు పడొద్దని సూచించారు.



Source link

Leave a Reply

Your email address will not be published. Required fields are marked *