YS Jagan: ఏపీలో లాక్‌‌డౌన్ ఎగ్జిట్ ప్లాన్.. అధికారులకు సీఎం జగన్ కీలక ఆదేశాలు – ap cm ys jagan review on coronavirus situation and lockdown exit plan


ఏపీలో కరోనా వైరస్ కట్టడి చేస్తూనే లాక్ డౌన్ ఎగ్జిట్ ప్లాన్ అమలు చేయాలని జగన్ సర్కార్ భావిస్తోంది. ఈ మేరకు ముఖ్యమంత్రి జగన్ ఉన్నతాధికారులతో సమావేశం నిర్వహించి కీలక ఆదేశాలు జారీ చేశారు. ఎగ్జిట్ ప్లాన్ లో భాగంగా సినిమాహాళ్లు, రెస్టారెంట్లు, ప్రజా రవాణా, విద్యా సంస్థల కార్యకలాపాలనే ఎలాంటి జాగ్రత్తలు తీసుకుంటూ కొనసాగించాలనే దానిపై నిర్దిష్ట విధానాలు, ప్రణాళికల్ని సిద్ధం చేయాలని సూచించారు. రాష్ట్రంలోని కంటైన్‌మెంట్ క్లస్టర్లలో అనుసరించాల్సిన వ్యూహంపై సీఎం అధికారులు ప్రతిపాదనలు అందించారు.

రాష్ట్రంలో 290 క్లస్టర్లు ఉన్నాయని.. ఇందులో 75 క్లస్టర్లలో ఇరవై ఎనిమిది రోజులుగా కొత్త కేసులేవీ నమోదు కాలేదని అధికారులు తెలిపారు. వాటిని డీనోటిఫై చేసి సాధారణ కార్యకలాపాలకు అనుమతి ఇవ్వాలని నిర్ణయించినట్టు సమాచారం. టెలీ మెడిసిన్ విధానాన్ని మరింత పటిష్టం చేసే చర్యల్లో భాగంగా ప్రతి పీహెచ్ సీకి ఒక బైక్ ఇవ్వాలని.. జులై 1 నాటికి అందుబాటులోకి తీసుకురావాలని అధికారులను జగన్ ఆదేశించారు. ఏపీలో చిక్కుకుపోయిన వివిధ రాష్ట్రాల వలస కూలీలను వారి స్వస్థలాలకు పంపే ఆలోచన చేయాలని, వారికి ఆహారం విషయంలో ఇబ్బంది లేకుండా చూడాలని ఆదేశించారు.

కరోనా నివారణా చర్యలు, రైతు భరోసా కేంద్రాలపైనా ముఖ్యమంత్రి వైఎస్‌ జగన్‌మోహన్‌రెడ్డి సమీక్ష నిర్వహించారు. ఇతర రాష్ట్రాల నుంచి ఏపీ మీదుగా ఒడిశా, జార్ఖండ్, బీహార్‌ లాంటి రాష్ట్రాలకు సుదీర్ఘంగా నడిచి వెళ్తున్న కూలీల పరిస్థితిపై జగన్‌ ఆవేదన వ్యక్తం చేశారు. కూలీలు అవగాహన లేక శ్రామిక రైళ్ల కోసం నిరీక్షించలేక నడుచుకుంటూ వెళ్తున్నారని.. వారి ఇబ్బందుల్ని ఆయా రాష్ట్రాలతో మాట్లాడి పంపించడానికి అవకాశం ఉంటుందని అధికారులు అన్నారు. చెక్‌ పోస్టుల దగ్గర వారిన గుర్తించిన పక్కనే ఉన్న సహాయ కేంద్రాలకు పంపిస్తున్నట్లు తెలిపారు. కొంతమంది రోడ్ల వెంట నడుచుకుంటూ వచ్చేస్తున్నారని.. అలాంటి వారిని వాళ్ల స్వస్థలాలకు పంపడంపై ఆలోచన చేయాలని ముఖ్యమంత్రి జగన్‌ అధికారులను ఆదేశించారు. వారికి ఆకలి బాధలు లేకుండా భోజనం, తాగునీరు సదుపాయాన్ని వెంటనే ఏర్పాటు చేయాలని సూచించారు. ఈనెల 30వ తేదీన రైతు భరోసా కేంద్రాలు ప్రారంభించే నాటికి మార్కెట్‌ ఇంటెలిజెన్స్, ప్రొక్యూర్‌మెంట్‌ కోసం ఉద్దేశించిన యాప్‌ అందుబాటులోకి రావాలని ముఖ్యమంత్రి ఆదేశాలు ఇచ్చారు. దీనిపై కొత్తగా నియమించిన జేసీలకు శిక్షణ ఇస్తున్నట్లు అధికారులు చెప్పారు.



Source link

Leave a Reply

Your email address will not be published. Required fields are marked *