YS Jagan: వెంటనే ఆ ఉద్యోగాలను భర్తీ చేయండి.. సీఎం జగన్ కీలక ఆదేశాలు – cm jagan review meeting on coronavirus and order to recruit medical staff


రాష్ట్రంలో కరోనా వైరస్‌ వ్యాప్తిని అరికట్టేందుకు, వైద్య సదుపాయాలు మరింతగా పెంచేందుకు ముఖ్యమంత్రి వైఎస్ జగన్మోహన్‌రెడ్డి మరో కీలక నిర్ణయం తీసుకున్నారు. కరోనా వైరస్‌ నియంత్రణపై శనివారం సీఎం జగన్ సమీక్ష నిర్వహించారు. ఈ సందర్భంగా అధికారులకు కీలక ఆదేశాలు జారీచేశారు. రాష్ట్రంలో ఖాళీగా ఉన్న వైద్య, నర్సింగ్‌ సిబ్బంది పోస్టులను వెంటనే భర్తీ చేయాలని ఆదేశించారు.

8 జిల్లాల్లోని కోవిడ్‌ ఆస్పత్రుల్లో ప్రస్తుతమున్న ఐసోలేషన్‌ పడకలు, ఆక్సిజన్‌ సదుపాయం ఉన్న పడకల సంఖ్యను మరింత పెంచే విధంగా చర్యలు తీసుకోవాలని సీఎం జగన్ సూచించారు. కరోనా వైరస్‌ సోకడం తప్పేమీ కాదని, నేరం అంతకన్నా కాదని అభిప్రాయపడ్డారు. అలాగే కోవిడ్‌ పట్ల ప్రజల్లో ఉన్న భయాందోళనలను తొలగించాలని అధికారులకు సూచించారు.

కరోనా వైరస్‌ ఎవరికైనా సోకే అవకాశం ఉందని, పరీక్షలు చేయించుకునేందుకు స్వచ్ఛందంగా ముందుకురావాలని సీఎం జగన్‌ పిలుపునిచ్చారు. కనీస జాగ్రత్తలు, వైద్య సహాయంతో వైరస్‌ సోకిన బాధితులు కోలుకోవడం సులభమేనని అభిప్రాయపడ్డారు. ఈ విషయాలపై గ్రామాల్లో ప్రజలకు అవగాహాన కల్పించాలని అధికారులను ఆదేశించారు. ఈ సమావేశంలో డిప్యూటీ సీఎం, వైద్య, ఆరోగ్య శాఖ మంత్రి ఆళ్ల నాని, ప్రభుత్వ ప్రధాన కార్యదర్శి నీలం సాహ్ని, ఆరోగ్యశాఖ ప్రత్యేక కార్యదర్శి జవహర్‌రెడ్డి, ఉన్నతాధికారులు హాజరయ్యారు.



Source link

Leave a Reply

Your email address will not be published. Required fields are marked *