YS Jagan : సీఎం జగన్‌కు ప్రధాని మోదీ ఫోన్‌ కాల్.. కీలక చర్చలు – pm narendra modi phone call to cm jagan over coronavirus crisis


రాష్ట్ర ముఖ్యమంత్రి వైఎస్ జగన్మోహన్‌రెడ్డికి ప్రధాన మంత్రి నరేంద్ర మోదీ ఆదివారం ఫోన్‌ చేశారు. కోవిడ్‌- 19 నివారణ కోసం తీసుకుంటున్న చర్యలపై ఇరువురు నాయకులు చర్చించుకున్నారు. ఈ సందర్భంగా ఆంధ్రప్రదేశ్‌లో కరోనా వైరస్‌ నివారణకు, వ్యాప్తిని అడ్డుకోవడానికి అన్ని రకాలుగా చర్యలు తీసుకుంటున్నామని ప్రధాని మోదీకి ముఖ్యమంత్రి వైఎస్ జగన్ వివరించారు. కరోనా బాధితులకు నిర్వహించే టెస్టింగ్‌ సామర్థ్యాన్ని పెంచుకున్న అంశాన్ని సీఎం జగన్ ప్రధాని దృష్టికి తీసుకెళ్లారు.


కాగా, ఇటీవలే సౌత్ కొరియా నుంచి కరోనా వైరస్ టెస్టింగ్ కిట్స్‌ను రాష్ట్ర ప్రభుత్వం దిగుమతి చేసుకున్న విషయం తెలిసిందే. దాదాపు లక్ష కిట్లను ప్రత్యేక విమానంలో తీసుకొచ్చారు. అలాగే రాష్టంలో ఇప్పటి వరకు 647 కరోనా కేసులు నమోదయ్యాయి. ఈ సంఖ్య మరింతగా పెరిగే అవకాశం ఉన్నట్లు తెలుస్తోంది. ఈ నేపథ్యంలో రాష్ట్ర ప్రభుత్వం తీసుకోబోయే చర్యలను ప్రధాని మోదీకి సీఎం జగన్ వివరించినట్లు తెలుస్తోంది. అలాగే ప్రస్తుత కష్టకాలంలో రాష్ట్రానికి కేంద్రం అండగా నిలబడుతుందని ప్రధాని మోదీ భరోసా ఇచ్చినట్లు సమాచారం.





Source link

Leave a Reply

Your email address will not be published. Required fields are marked *