ys jagan letter to pm modi: ఆదుకోండి ప్లీజ్.. ప్రధాని మోదీకి జగన్ లేఖ – lockdown troubles: ap cm ys jagan writes letter to pm modi


ఏపీ సీఎం వైఎస్ జగన్ ప్రధాని మోదీకి లేఖ రాశారు. రాష్ట్ర ఆర్థిక పరిస్థితిని వివరించిన సీఎం.. చేయూత అందించాలని ప్రధానిని కోరారు. కరోనా ప్రభావం పరిశ్రమలపై తీవ్ర స్థాయిలో పడిన విషయాన్ని ఆయన ప్రధాని దృష్టికి తీసుకొచ్చారు. సూక్ష్మ, మధ్య స్థాయి సంస్థలకు తోడ్పాటు అందించాలని, మైనింగ్, స్టీల్ రంగాలకు అండగా ఉండాల్సిన అవసరం ఉందని ఆయన ప్రధానిని కోరారు. లాక్‌డౌన్ కారణంగా రాష్ట్రంలోని ఎంఎస్ఎంఈల్లో 94 శాతం మూతపడ్డాయని తెలిపారు. భవిష్యత్తులో ఆతిథ్యం, టూరిజం రంగాలు తెబ్బతినే సూచనలు కనిపిస్తున్నాయన్నారు.

పరిశ్రమల నుంచి జీఎస్టీ వసూలును వాయిదా వేయాలని ప్రధానిని జగన్ కోరారు. ఎంఎస్ఎంఈలకు విద్యుత్ ఛార్జీలను కేంద్రమే భరించాలన్నారు. పరిస్థితులు ఇలాగే ఉంటే కార్మికులకు ఇబ్బందులు తలెత్తే అవకాశం ఉందని ప్రధానికి రాసిన లేఖలో సీఎం ఆందోళన వ్యక్తం చేశారు. ఎంఎస్ఎంఈలు ఈఎంఐ చెల్లింపు విషయంలో మారటోరియం విధించాలని కోరారు. పీఎఫ్, ఈఎస్ఐ, గ్రాట్యూటీ చెల్లింపుల్లో ఆరు నెలలు మారటోరియం విధించాలన్నారు. చిన్నతరహా పరిశ్రమలు ఏడాదిపాటు వాయిదాలు చెల్లించాల్సిన అవసరం లేకుండా చూడాలన్నారు.

ఏప్రిల్ 13న కూడా ప్రధాని మోదీకి జగన్ లేఖ రాశారు. లాక్‌డౌన్‌పై జగన్ కీలక ప్రతిపాదనలు చేశారు. దేశాన్ని మూడు జోన్లుగా విభజించి కరోనా నియంత్రణ చర్యలు చేపట్టాలని సీఎం జగన్ ప్రతిపాదించారు. ప్రస్తుత క్లిష్ట పరిస్థితుల్లో దేశ ఆర్థిక రథచక్రాన్ని పరుగులు పెట్టించాల్సిన అవసరం లేకపోయినా, కనీస వేగంతోనైనా నడపాల్సిన అవసరం ఉందని సీఎం జగన్‌ ఆ లేఖలో అభిప్రాయపడ్డారు.



Source link

Leave a Reply

Your email address will not be published. Required fields are marked *