ysr pension kanuka: ఏపీలో శుక్రవారం నుంచి పెన్షన్ కానుక పంపిణీ.. ఈసారీ జియో ట్యాగ్ – grama volunteers to distribute pensions door step on may 1st in andhra pradesh


శుక్రవారం నుంచి వైఎస్సార్‌ర్ పెన్షన్ కానుక పంపిణీకి సిద్ధమైంది జగన్ సర్కార్. రాష్ట్రవ్యాప్తంగా 58.22 లక్షల మందికి పెన్షన్లు అందించనుంది. పెన్షన్‌ పంపిణీ కోసం ఇప్పటికే ప్రభుత్వం రూ.1421.20 కోట్లను విడుదల చేసింది. శుక్రవారం నుంచి గ్రామ, వార్డు వాలంటీర్లు ఇంటింటికీ వెళ్లి పింఛన్లు అందజేయనున్నారు. వేలిముద్రలు కాకుండా ఈసారి కూడా ఫొటో తీసి జియో ట్యాగ్‌ చేసిన అనంతరం పింఛన్‌ ఇవ్వాలని ప్రభుత్వం ఆదేశించింది. పింఛన్ పంపిణీకి సంబందించి అన్ని ఏర్పాట్లు పూర్తి చేశామని మంత్రి పెద్దిరెడ్డి రామచంద్రారెడ్డి తెలిపారు. లాక్‌డౌన్‌తో ఇతర ప్రాంతాల్లో ఉన్న వారికి పోర్టబిలిటీ ద్వారా పెన్షన్లు అందజేయనున్నట్టు చెప్పారు.

వృద్ధులు, దివ్యాంగులు, వితంతువులతో పాటు గుర్తింపు పొందిన వ్యాధులతో బాధపడుతున్న వారికి కూడా ఒకటో తేదీనే పెన్షన్ అందించాలన్న ముఖ్యమంత్రి వైస్ జగన్‌మోహన్‌రెడ్డి ఆదేశాలకు అనుగుణంగా అధికారులు ఏర్పాట్లు చేశారన్నారు.
ప్రభుత్వ ఆసుపత్రుల్లో చికిత్స పొందుతున్న హెచ్ఐవి, డయాలసిస్ పెషంట్లకు డిబిటి విధానంలో పెన్షన్ సొమ్మును జమ చేస్తున్నామని మంత్రి తెలిపారు.

రెండు నెలలుగా రాష్ట్రవ్యాప్తంగా గ్రామ వాలంటీర్లు ఇంటింటికి తిరిగి పింఛన్ డబ్బు అందిస్తున్నారు. అంతకముందు పింఛన్‌దారుల వేలిముద్రలు తీసుకుంటున్న వాలంటీర్లు ఈసారి మాత్రం రూటు మార్చారు. ప్రభుత్వ సూచనల మేరకు ఫోటోలు సేకరిస్తున్నారు. పింఛన్ తీసుకున్నట్లు లబ్ధిదారుడి ఫోటోను మొబైల్‌లో తీసుకుంటున్నారు.. జియో ట్యాగ్ చేస్తున్నారు. కరోనా వైరస్ పాజిటివ్ కేసులు పెరుగుతండటంతో వేలిముద్రల విధానాన్ని తాత్కాలికంగా పక్కనపెట్టింది.



Source link

Leave a Reply

Your email address will not be published. Required fields are marked *