ysr rythu bharosa kendram: ఏపీ: రైతు భరోసా కేంద్రాలు ప్రారంభం.. 90శాతం మేనిఫెస్టో అమలు చేశామన్న జగన్ – andhra pradesh cm ys jagan launches ysr rythu bharosa kendras


ఏపీలో అన్నదాతల కోసం జగన్ సర్కార్ కీలక అడుగు ముందుకు వేసింది. రాష్ట్రవ్యాప్తంగా వైఎస్సార్‌ రైతు భరోసా కేంద్రాలకు శ్రీకారం చుట్టారు.. ముఖ్యమంత్రి వైఎస్ జగన్ చేతుల మీదుగా ప్రారంభమయ్యాయి. ఏకకాలంలో 10.641 కేంద్రాలు.. సీఎం యాప్‌, ఇంటిగ్రేటెడ్ కాల్ సెంటర్‌ను కూడా లాంఛ్ చేశారు. ఇక రాష్ట్రవ్యాప్తంగా రైతులకు ఇక భరోసా కేంద్రాల నుంచే వ్యవసాయ సేవలు అందిస్తారు.. శిక్షణ తరగతులు, విజ్ఞాన కేంద్రాలుగా రైతు భరోసా కేంద్రాలు పనిచేస్తాయి. అంతేకాదు విత్తనాలు, ఎరువులు, పురుగుమందులకు ప్రభుత్వమే గ్యారెంటీ ఉంటుంది. అంతేకాదు కాల్‌సెంటర్ ద్వారా రైతులకు సూచనలు, సలహాలు అందిస్తారు.. ఇంటిగ్రేటెడ్ కాల్ సెంటర్ నెంబర్ 155251.

Read Also: జగన్ ఏడాది పాలన.. ‘సమయం’ ఓపినీయిన్ పోల్‌లో ఆసక్తికర విషయాలు

వైఎస్సార్‌సీపీ ప్రభుత్వం అధికారంలోకి వచ్చి ఏడాది పూర్తైందని.. అదే రోజు రైతు భరోసా కేంద్రాలను ప్రారంభించడం ఆనందంగా ఉందన్నారు సీఎం జగన్. ఈ ఏడాది పాలన చిత్తశుద్ధితో.. నిజాయితీగా జరిగిందన్నారు. అధికారంలోకి వచ్చిన వెంటనే రైతు భరోసా పథకం తీసుకొచ్చామని.. ఈ పథకం కింద 49 లక్షల రైతు కుటుంబాలకు రూ.10వేల కోట్లు ఇచ్చామన్నారు. పెట్టుబడి ఖర్చులు తగ్గాలని.. పంటకు గిట్టుబాటు ధర కల్పించాలన్నారు. ఈ కేంద్రాల ద్వారా విత్తనం మొదలు పంట అమ్మకం వరకూ సూచనలు, సలహాలు ఇస్తాయన్నారు. పంట రుణాలు, ఇన్స్యూరెన్స్, గిట్టుబాటు ధర కల్పించేలా రైతు భరోసా కేంద్రాలు పనిచేస్తాయన్నారు జగన్.

తాను రాజకీయాల్లోకి వచ్చి 11 ఏళ్లు అవుతోందని.. ఈ ప్రయాణంలో రాష్ట్రవ్యాప్తంగా తన ప్రయాణం కొనసాగిందన్నారు సీఎం. ఈ ప్రయాణంలో ఎంతోమంది కన్నీళ్లు, బాధలు చూశానని.. వాటిని పరిష్కరించేందుకు అడుగులు వేశాను అన్నారు. ఈ బాధల్ని చూసి మేనిఫెస్టోను రూపొందించామని.. కేవలం రెండు పేజీల్లోనే హామీలను ఇచ్చామని.. ‘జగన్ అనే నేను ఏడాది కాలంగా మీ కుటుంబ సభ్యుడిగా.. ముఖ్యమంత్రిగా.. నేను చేసిన ప్రమాణాన్ని, ఇచ్చిన మాటను తూచా తప్పకుండా అమలు చేస్తున్నానని దైవసాక్షిగా, ప్రజల సాక్షిగా మరోసారి స్పష్టం చేస్తున్నాను’ అన్నారు. ఈ ఏడాది కాలంలోనే 90శాతం హామీలను నెరవేర్చామన్నారు.. అమలు చేసివని.. అమలు చేయాల్సినివి క్యాలెండర్ సిద్ధం చేశామన్నారు.

మొత్తం ఇచ్చిన హామీలు 129 అయితే.. వీటిలో ఇప్పటికే అమల్లోకి వచ్చినవి 77.. అమలు కోసం ప్రారంభోత్సవాల తేదీలు ఇచ్చినవి 33.. మొత్తం కలిపితే 129కి 90శాతం వాగ్థానాలు అమల్లోకి వచ్చాయని.. ఏడాది పాలనలోనే ఇదంతా జరిగిందని గర్వంగా చెబుతున్నాను అన్నారు. 16 అమలు కావాల్సి ఉన్నాయని.. రాబోయే రోజుల్లో అమలుకు పరుగులు పెట్టిస్తామన్నారు. మేనిఫెస్టోలో లేకపోయినా ప్రజల అవసరాల కోసం అమలు చేసినవి మరో 40 ఉన్నాయన్నారు. రాబోయే రోజుల్లో ఈ మేనిఫెస్టోను వాలంటీర్లతో ప్రతి ఇంటికి పంపించి.. చెప్పిన ప్రతి మాటా చేశామా.. చేయలేదా ప్రజలే నిర్ణయిస్తారన్నారు.



Source link

Leave a Reply

Your email address will not be published. Required fields are marked *