YSRCP: వైసీపీ ఎంపీకి కేంద్రంలో కీలక పదవి.. టీడీపీ ఎంపీకి కూడా! – ysrcp mp bala souri appointed as public accounts committee member


వైఎస్సార్‌సీపీ ఎంపీ వల్లభనేని బాలశౌరికి కేంద్రంలో కీలక పదవి దక్కింది. పార్లమెంట్‌లో కీలకమైన పబ్లిక్ అకౌంట్స్ కమిటీలో సభ్యుడిగా నియమితులయ్యారు. 2020-21 ఆర్థిక సంవత్సరానికి సంబంధించి ఈ నియామకం జరిగింది. లోక్‌సభలో కాంగ్రెస్ పక్ష నేత ఆధిర్ రంజన్ చౌదరి పీఏసీ చైర్ పర్సన్‌గా ఉన్నారు. ఈ మేరకు లోక్ సభ స్పీకర్ ఓం బిర్లా కార్యాలయం ప్రకటించింది. ఇటు రాజ్యసభ నుంచి ఏపీకి చెందిన బీజేపీ ఎంపీ సీఎం రమేష్‌కు స్థానం దక్కింది.

పబ్లిక్ అకౌంట్స్ కమిటీకి ప్రతిపక్షానికి చెందిన నేతకు ఛైర్మన్ పదవి ఇవ్వడం ఆనవాయితీగా వస్తోంది. ఆ కమిటీలో ఇతర పార్టీలకు చెందిన వారిని కూడా సభ్యులుగా నియమిస్తారు. పార్లమెంట్‌లో పార్టీలకు ఉన్న సంఖ్యా బలం ఆధారంగా నియామకం ఉంటుంది. లోక్‌సభలో బీజేపీ, కాంగ్రెస్, డీఎంకే తర్వాత వైసీపీకే ఎక్కువ మంది ఎంపీలు (22) ఉన్నారు. అందుకే ఆ పార్టీ ఎంపీకి పదవి దక్కింది. అయితే బీజేపీ సీఎం రమేష్‌కు కల్పించడం ఆసక్తికరంగా మారింది. ఇటు టీడీపీ ఎంపీ రామ్మోహన్‌నాయుడు, వైఎస్సార్‌సీపీ ఎంపీ రఘురామకృష్ణంరాజుకు పబ్లిక్ అండర్ టేకింగ్ కమిటీలో స్థానం దక్కింది.



Source link

Leave a Reply

Your email address will not be published. Required fields are marked *