YSRCP: వైసీపీ ఎమ్మెల్యే అనుచరుల వీరంగం.. టీడీపీ నేతపై దాడి, ఇల్లు ధ్వంసం – ysrcp followers attack on tdp leader house in kurnool


కర్నూలు పాతబస్తీ ఖడక్‌పురలో వైఎస్సార్‌సీపీ కార్యకర్తలు రెచ్చిపోయారు. టీడీపీ కార్పొరేటర్ అభ్యర్థి అలీఖాన్‌పై దాడికి దిగారు.. ఇంటిపై రాళ్లు, కర్రలు విసిరి నానా రచ్చ చేశారు. ఇంటి ముందు పార్క్ చేసి ఉంచిన బైక్‌ల్ని ధ్వంసం చేశారు. 20మందికిపైగా గుంపుగా వచ్చి కొద్దిసేపు హంగామా చేసి వెళ్లారు. ఈ సీన్ మొత్తం అలీఖాన్ ఇంటి సమీపంలో ఉన్న సీసీ కెమెరాలో రికార్డయ్యాయి.

బాధితుడు అలీఖాన్, టీడీపీ కార్యకర్తలు చెబుతున్న వివరాల ప్రకారం.. టీడీపీ కార్యకర్తగా ఉన్న అతడు కర్నూలు కార్పొరేషన్‌ ఎన్నికల్లో అభ్యర్థిగా నామినేషన్ వేశాడు. అయితే ఆ నామినేషన్‌ను విత్‌డ్రా చేసుకొవాలని ఎమ్మెల్యే హఫీజ్‌ఖాన్ అనుచరులు గతంలో చాలా సార్లు దాడి చేసే ప్రయత్నాలు చేశారట. కానీ ఎమ్మెల్యే వర్గం ఒత్తిడి పెంచి కేసులు పెట్టకుండా జాగ్రత్తపడ్డారట. ఇప్పుడు మళ్లీ వచ్చి దాడిచేసి వెళ్లారని ఆరోపించారు.

ఎమ్మెల్యే అనుచరుల నుంచి తమకు ప్రాణహాని ఉందని అలీఖాన్‌ కుంటుంబం అంటోంది. దాడి ఘటనపై స్థానిక పోలీస్‌ స్టేషన్‌లో బాధితులు ఫిర్యాదు చేశారు.. తమకు రక్షణ కల్పించాలని వారు కోరుతున్నారు. బాధితుల ఫిర్యాదు మేరకు పోలీసులు కేసు నమోదు చేసినట్లు తెలుస్తోంది. దాడి వీడియోలు సోషల్ మీడియాలో వైరల్ అవుతున్నాయి. ఈ ఘటనపై ఎమ్మెల్యే హాఫీజ్‌ఖాన్ స్పందించాల్సి ఉంది.



Source link

Leave a Reply

Your email address will not be published. Required fields are marked *