YSRCP MLAs Lockdown Break: ఓ మంత్రి, ఇద్దరు వైసీపీ ఎమ్మెల్యేలకు షాక్.. హైకోర్టులో పిటిషన్ – petition filed on minister vellampalli srinivas and two ysrcp mlas over lockdown rules break in ap high court


లాక్ డౌన్ ఉల్లంఘనలకు సంబంధించి అధికార వైఎస్సార్ కాంగ్రెస్ పార్టీకి చెందిన మరో ముగ్గురు ఎమ్మెల్యేలపై రాష్ట్ర హైకోర్టులో పిటిషన్ దాఖలు చేశారు. లాక్ డౌన్ ఉల్లంఘనలకు పాల్పడ్డారంటూ ఓ మంత్రి, ఇద్దరు ఎమ్మెల్యేలపై అనుబంధ పిటిషన్ వేశారు. ఈ పిటిషన్‌ను బుధవారం హైకోర్టు విచారించనుంది. లాక్ డౌన్ నిబంధనలు ఉల్లంఘించి జన సమూహాలతో పార్టీ కార్యక్రమాలు నిర్వహించారంటూ న్యాయవాది ఇంద్రనీల్ హైకోర్టు మెట్లెక్కారు.

మంత్రి వెల్లంపల్లి శ్రీనివాస్, మల్లాది విష్ణు, తాడికొండ ఎమ్మెల్యే శ్రీదేవి నిబంధనలు ఉల్లంఘించారంటూ అనుబంధ పిటిషన్‌ దాఖలు చేశారు. వారు నిర్వహించిన కార్యక్రమాల వీడియోలు, ఫోటోలు కోర్టుకు అందజేశారు పిటిషనర్ అందజేశారు.

ఇంద్రనీల్ దాఖలు చేసిన పిటిషన్‌పై బుధవారం ఏపీ హైకోర్టు విచారణ జరపనుంది. లాక్ డౌన్ నిబంధనలు ఉల్లంఘించారంటూ ఇప్పటికే ఏపీలో ఐదుగురు వైసీపీ ఎమ్మెల్యేలకు హైకోర్టులో పిటిషన్లు దాఖలు కాగా, వారందరికీ కోర్టు నోటీసులు జారీ చేసింది. తాజాగా, మరో ముగ్గురిపై పిటిషన్లు దాఖలు కావడంతో వారికి కూడా నోటీసులు జారీ అయ్యే అవకాశం వుంది. తాజా పిటిషన్‌తో లాక్ డౌన్ నిబంధనలు ఉల్లంఘించారన్న ఆరోపణలు ఎదుర్కొన్న వైఎస్సార్‌సీపీ ఎమ్మెల్యేల సంఖ్య ఎనిమిదికి చేరింది.



Source link

Leave a Reply

Your email address will not be published. Required fields are marked *