Yuvraj Singh: ఆ కార‌ణల‌తోనే వ‌న్డే ప్ర‌పంచ‌క‌ప్‌లో భార‌త్ ఓడిపోయింది: యువీ – indian former player yuvraj singh explains what goes wrong for team india in 2019 world cup


గతేడాది వ‌న్డే ప్ర‌పంచ‌క‌ప్ కోసం ఎన్నో ఆశ‌లతో ఇంగ్లాండ్‌లో అడుగుపెట్టిన భార‌త జట్టు అనూహ్యంగా సెమీఫైన‌ల్లోనే వెనుదిరిగింది. న్యూజిలాండ్‌తో జ‌రిగిన సెమీస్‌లో బ్యాట్స్‌మెన్ వైఫ‌ల్యంతో టీమిండియా ఇంటిముఖం ప‌ట్టింది. తాజాగా భార‌త మాజీ ఆల్‌రౌండ‌ర్ యువ‌రాజ్ సింగ్ సోష‌ల్ మీడియా వేదికగా కోహ్లీసేన స‌న్నాహ‌కాల‌పై మాట్లాడాడు. స‌రైనా స‌న్న‌ద్ధ‌త లేకుండానే బ‌రిలోకి దిగి భార‌త్ మూల్యం చెల్లించుకుంద‌ని వ్యాఖ్యానించాడు.


కేవ‌లం ఐదు వ‌న్డేల అనుభ‌వ‌మున్న రిష‌భ్ పంత్‌లాంటి ఆట‌గాడిని సెమీస్‌లో ఆడించ‌డం భార‌త గేమ్‌ప్లాన్ లేమిని సూచిస్తోంద‌ని యువీ వ్యాఖ్యానించాడు. ఆ మ్యాచ్‌లో కీల‌క‌ద‌శ‌లో బాధ్య‌త‌రాహిత్య‌మైన షాట్‌తో పంత్ వెనుదిరిగాడు. ఆ స‌మ‌యంలో పంత్‌పై కోపంతో కోచ్ రవి శాస్త్రితో కెప్టెన్ విరాట్ కోహ్లీ మాట్లాడ‌టం క‌న్పించింది. అయితే ఇందులో పంత్ త‌ప్పేమీ లేద‌ని, అనుభవం లేని ఆట‌గాడిని ఎంపిక చేయ‌డం టీమ్ మేనేజ్మెంట్ స‌న్న‌ద్ధ‌త‌ను తెలియ‌జేస్తుంద‌ని వ్యాఖ్యానించాడు.


అప్ప‌టికే ఐపీఎల్లో స‌త్తాచాటిన పంత్‌ను జ‌ట్టులోకి ఎంపిక చేశారని, అయితే వ‌న్డేల‌కు టీ20ల‌కు మ‌ధ్య వ్య‌త్యాస‌ముంటుంద‌ని యువీ గుర్తు చేశాడు. టీ20ల‌లో ఎప్పుడైనా ఎదురు దాడి చేయ‌వ‌చ్చ‌ని, అయితే వ‌న్డేల్లో మాత్రం సంయ‌మ‌నంతో వ్య‌వ‌హ‌రించాల్సి ఉంటుంద‌ని తెలిపాడు. ఇలాంటి త‌ప్పిదాల‌తో భార‌త్ మెగాటోర్నీ నుంచి ఉట్టి చేతులతో వెన‌క్కి వ‌చ్చింద‌ని యువీ వ్యాఖ్యానించాడు. ‌



Source link

Leave a Reply

Your email address will not be published. Required fields are marked *