yuvraj singh controversy: భారత స్పిన్నర్‌పై యువరాజ్ కుల వివక్ష వ్యాఖ్యలు..! – ‘yuvraj maafi maango’ trends on twitter for making casteist remark on chahal


భారత మాజీ ఆల్‌రౌండర్ యువరాజ్ సింగ్ చిక్కుల్లో‌పడ్డాడు. టీమిండియా ఓపెనర్ రోహిత్ శర్మతో ఇన్‌స్టాగ్రామ్ లైవ్ సెషన్‌లో తాజాగా మాట్లాడిన యువరాజ్ సింగ్.. మణికట్టు స్పిన్నర్ చాహల్‌పై కుల వివక్ష వ్యాఖ్యలు చేశాడు. లాక్‌డౌన్ వేళ ఇంటికే పరిమితమైన చాహల్.. తన కుటుంబ సభ్యులతో కలిసి ఇటీవల వరుస టిక్‌టాక్ వీడియోలు చేశాడు. దాంతో.. కెప్టెన్ విరాట్ కోహ్లీ, వెస్టిండీస్ ఓపెనర్ క్రిస్‌గేల్, దక్షిణాఫ్రికా మాజీ క్రికెటర్ ఏబీ డివిలియర్స్ తదితరులు చాహల్ టిక్‌టాక్ వీడియోలు విసిగించేలా ఉన్నాయని పెదవి విరిచారు. గేల్ అయితే చాహల్ అకౌంట్‌ని బ్లాక్ చేయమని ఫిర్యాదు చేస్తున్నట్లు తెలిపాడు.


రోహిత్ శర్మతో లైవ్ సెషన్‌లో మాట్లాడుతున్న సమయంలో చాహల్ టిక్‌టాక్ వీడియోల గురించి ప్రస్తావన తీసుకొచ్చిన యువరాజ్ సింగ్ ‘‘ఈ భాంగీ వాళ్లకి ఏం పని ఉండదు. చాహల్ ఫ్యామిలీ మెంబర్స్‌తో కలిసి చేసిన టిక్‌టాక్ వీడియోలు చూశావా..?’’ అని రోహిత్ శర్మని ప్రశ్నించాడు. భాంగీ పదాన్ని సాధారణంగా రోడ్లు ఊడ్చే స్వీపర్స్, అట్టడుగు వర్గాల వారిని ఉద్దేశించి వాడుతుంటారు.

యువరాజ్ సింగ్ కుల వివక్ష వ్యాఖ్యలపై నెటిజన్లు తీవ్రస్థాయిలో మండిపడుతున్నారు. ‘‘ఓ గొప్ప క్రికెటర్‌, మంచి మనసు ఉన్న వ్యక్తిగా ఇన్నాళ్లు నీపై గౌరవం ఉండేది. కానీ.. ఈరోజు నువ్వు చేసిన వ్యాఖ్యలు ఏమాత్రం సమర్థనీయం కాదు. వెంటనే ఆ వ్యాఖ్యలపై క్షమాపణలు చెప్పు’’ అని మండిపడిన ఓ నెటిజన్.. వీడియోని కూడా జతచేశాడు.





Source link

Leave a Reply

Your email address will not be published. Required fields are marked *