Yuzvendra Chahal: భారత స్పిన్నర్‌కి ఏబీ డివిలియర్స్ సీరియస్ వార్నింగ్ – ab de villiers warns yuzvendra chahal as spinner pokes fun at his instagram video


భారత స్పిన్నర్‌కి ఏబీ డివిలియర్స్ సీరియస్ వార్నింగ్
టీమిండియా మణికట్టు స్పిన్నర్ చాహల్‌కి బ్యాడ్‌టైమ్ నడుస్తున్నట్లుంది. కరోనా వైరస్ కారణంగా మార్చి నుంచి దేశంలో లాక్‌డౌన్ అమల్లో ఉండటంతో ఇంటికే పరిమితమైన చాహల్.. ఫ్యామిలీ మెంబర్స్‌తో కలిసి ఫన్నీగా టిక్‌టాక్ వీడియోలు చేశాడు. అయితే.. వాటిలో కొన్ని విసిగించేలా ఉండటంతో.. భారత కెప్టెన్ విరాట్ కోహ్లీ, వెస్టిండీస్ విధ్వంసక ఓపెనర్ క్రిస్‌గేల్, మాజీ ఆల్‌రౌండర్ యువరాజ్ సింగ్ తదితరులు పెదవి విరిచారు. ఆ వీడియోలు చూసిన తర్వాత చాహల్ అంతర్జాతీయ స్థాయిలో క్రికెట్ ఆడే ఆటగాడంటే ఎవరూ నమ్మరని కోహ్లీ చురకలేయగా.. చాహల్ అకౌంట్‌ని బ్లాక్ చేయమని తాను ఫిర్యాదు చేయబోతున్నట్లు గేల్ చెప్పాడు. ఇక యువరాజ్ సింగ్.. చాహల్‌ని ‘భాంగీ’లతో పోల్చాడు.. కానీ.. దానిపై వివాదం చెలరేగడంతో క్షమాపణలు చెప్పాడు.


సోషల్ మీడియాలో చాహల్ టిక్‌టాక్ వీడియోలు, ఫన్నీ చేష్టలపై పెద్ద ఎత్తున విమర్శలు వస్తున్నా.. అతను మాత్రం తన తీరుని మార్చుకోవడం లేదు. తాజాగా దక్షిణాఫ్రికా మాజీ క్రికెటర్ ఏబీ డివిలియర్స్‌కి అతను కోపం తెప్పించాడు. ఇటీవల సెలబ్రెటీలు చేస్తున్న#SwagStepChallenge‌ని స్వీకరించిన ఏబీ డివిలియర్స్.. తన దైన శైలిలో డ్యాన్స్ చేసి సోషల్ మీడియాలో పోస్ట్ చేశాడు. దానికి యువరాజ్ సింగ్ ‘హ్హ హ్హ.. భలే స్టెప్ట్స్ వేశావ్’ అని కితాబివ్వగా.. చాహల్ మాత్రం ‘వాట్‌ ఎ స్వాంగ్ సార్’ అని కళ్లుమూసుకున్న కోతి ఎమోజీని జత చేశాడు. దాంతో.. చిర్రెత్తిపోయిన ఏబీ డివిలియర్స్ ‘నీ హద్దుల్లో నువ్వు ఉండు’ అని ఘాటుగా వార్నింగ్ ఇచ్చాడు.
వాస్తవానికి ఐపీఎల్‌లో రాయల్ ఛాలెంజర్స్ బెంగళూరు తరఫున ఏబీ డివిలియర్స్, చాహల్ సుదీర్ఘకాలంగా ఆడుతున్నారు. దాంతో వారి మధ్య మంచి స్నేహం ఉంది. కానీ.. చాహల్ టిక్‌టాక్ వీడియోల గురించి ఇటీల ఇన్‌స్టాగ్రామ్ లైవ్ సెషన్‌లో కోహ్లీ ముందు పెదవి విరిచిన ఏబీ డివిలియర్స్.. తాజాగా అతనికే వార్నింగ్ ఇచ్చాడు.





Source link

Leave a Reply

Your email address will not be published. Required fields are marked *