zoom dysmorphia: వర్క్ ఫ్రమ్ హోమ్‌తో కొత్త సమస్యలు.. ప్లాస్టిక్ సర్జరీలకు ఎగబడుతోన్న జనం! – work from home causes zoom dysmorphia, record increase in plastic surgeries says study


కరోనా వైరస్ మహమ్మారి కారణంగా ఇంటి నుంచి పని (వర్క్ ఫ్రమ్ హోమ్‌)కి అన్ని సంస్థలు ప్రాధాన్యత ఇస్తున్నాయి. అయితే, వర్క్ ఫ్రమ్ హోం చేస్తున్నవారిలో‘జూమ్ డిస్మోర్ఫియా’ అనే కొత్త రకం రుగ్మత పెరుగుతున్నట్టు తాజా పరిశోధనల్లో వెల్లడయ్యింది. తమ శరీరం లేదా ముఖంలో లోపాలు ఉంటే వాటిని చూసుకుని బాధపడుతూ ఆత్మవిశ్వాసం కోల్పోయి మానసికంగా కుంగిపోవడాన్ని ‘డిస్మోర్ఫియా’ అంటారు. ఇంటి నుంచి పనిచేస్తున్న ఉద్యోగులు వర్చువల్ సమావేశాల్లో పాల్గొంటున్నప్పుడు తమ ముఖంలో మార్పులు, లోపాలను చూసుకుని మానసికంగా బాధపడుతున్నట్టు అమెరికా పరిశోధకులు గుర్తించారు.

తమలోని లోపాలను తిరిగి సరిచేసుకునేందుకు కొందరు ప్లాస్టిక్ సర్జరీలను కూడా చేయించుకుంటున్నట్టు తేలింది. కరోనాకు ముందు కార్యాలయాలకు వెళ్లేవారు కాబట్టి తమ రూపురేఖల గురించి పెద్దగా పట్టించుకునేవారు కాదు. కానీ ప్రస్తుతం వర్క్ ఫ్రమ్ హోమ్ వల్ల వీడియో సమావేశాల్లో పాల్గొనాల్సి వస్తోంది. తత్ఫలితంగా తమ ముఖాన్ని చూసుకోవాల్సి వస్తుండడంతో అందులోని లోపాలు స్పష్టంగా కనిపిస్తున్నాయట. ఫలితంగా వారిలో డిస్మోర్ఫియా లక్షణాలు ఎక్కువగా బయటపడుతున్నాయి.

దీంతో అందంగా కనిపించేందుకు చాలామంది ప్లాస్టిక్ సర్జరీలను ఆశ్రయిస్తున్నారు. ముఖ్యంగా ముఖంపై ఏర్పడిన ముడతలు, ముక్కు సర్జీలకు ప్రాధాన్యత ఇస్తున్నారు. గూగుల్ సెర్చ్‌లో ‘అక్నే’, ‘హెయిర్‌లాస్’ వంటి పదాలను ఎక్కువగా సెర్చ్ చేయడం ‘జూమ్ డిస్మోర్ఫియా’ను రుజువు చేస్తోందని పరిశోధకులు తెలిపారు. ఈ అధ్యయన ఫలితాలను జర్నల్ ఫేసియల్ ప్లాస్టిక్ సర్జరీ అండ్ ఈస్థటిక్ మెడిసిన్‌లో ప్రచురించారు.

‘జూమ్ మీటింగ్‌లో ఎక్కువ సమయం గడిపినప్పుడు ఆత్మ-న్యూనతభావాన్ని ప్రేరేపిస్తుంది.. వీడియో స్క్రీన్‌ ముందు నెలల తరబడి గడపటం వల్ల చికిత్సల కోసం వైద్యులను ఆశ్రయిస్తున్నారు.. ఇది జూమ్ డైస్మోర్ఫియా కొత్త దృగ్విషయం’ అని మస్సాచుసెట్స్ జనరల్ హాస్పిటల్ వైద్యుడు, అధ్యయనంలో పాల్గొన్న పరిశోధకుడు అరియానే షాదీ కౌరోష్ అన్నారు.

కోవిడ్ -19 మహమ్మారి మానవుల ఆలోచనా విధానం, జీవనశైలిలో సమూల మార్పులు తీసుకొచ్చింది… ఆన్‌లైన్ పని, అభ్యాసం, సాంఘికీకరణకు మారడంలో మనల్ని మనం గమనించాల్సిన సమయాన్ని నాటకీయంగా పెంచింది’ అని విస్కోన్సిన్ యూనివర్సిటీ హాస్పిటల్ ప్రొఫెసర్ బెంజి మార్కస్ అన్నారు.



Source link

Leave a Reply

Your email address will not be published. Required fields are marked *